1993-12-19 Donostia Txapelketa 17:00 [Bertsoa] / Jokin Sorozabal

Aukerako gaiak:
1 GAIA: Herriko parkean zauden banko bat zara. Asteburuetan zure inguruan gertatzen denaren berri
konta iezaguzu.
2. GAIA: Zezen-plaza inguruko belaze batean ari zaren zezena zara. Zauden lekutik ole! eta txalo
zaparrada latzak entzuten dituzu.

Deskribapena

Doinua

Maitasuna da bizi izateko

Neurria / Estrofaren izena

Neurri luzekoak

Kokapena

Kokapena: XDZ - Xenpelar Dokumentazio Zentroa
Bilduma / Funtsa / Proiektua: Txapelketetako Bilduma

1993-12-19 Donostia Txapelketa 17:00 [Bertsoa] / Jokin Sorozabal

Neurria: Neurri luzekoak
Kokapena: XDZ - Xenpelar Dokumentazio Zentroa

Ez dakit nundik ekarri zuten
hain ohitura berezia,
baina zezenek pasatzen dute
barru aldera hesia;
torturatu eta hiltzen dituzte
nahiz ez izan merezia.
Garbi dago ikusia
nola dan gure auzia: (bis)
gaur gizarteak galdua dauka
bere duintasun guzia,
batzuen jolas bihurtu baitu
beste batzuen bizia. (bis)

Zezen aurrean jartzeko ere
behar da hainbat balore;
jartzen denari egiten zaio
hainbat agur ta ohore,
baina kanpoan nik ez dadukat
jendeak hainbat umore;
a ze festa latzen jabe
egiten diren halare! (bis)
Disfrutatzea ona da, baina
gu're orain hemen gaude;
ezin al leike festarik egin
inor torturatu gabe? (bis)

Ni're kanpoan hementxe nago,
agian, hemen betiko;
oso haundia ez naizelako
hala ninduten utziko,
baina nork esan egun batean
ni ez nautela hor hilko?
Joango banitz barrurako,
bengantza egin beharko. (bis)
Torero hoiek jakinagatik
nik ez dakit zenbat truko,
tripa guztiak atera arte
ez det atseden hartuko. (bis)

Datu-base honetan eskainitako informazioari buruz jakiteko, kontsultatu lege oharra

BDB Bertsolaritzaren datu-basea

Bertsoak - Fitxa ikusi Atal honi buruz gehiago jakiteko