BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusia (11. 1993)

Saioa

1993-12-05 Eibar Txapelketa 11:30

Gai-emailea

Azkune, Laxaro

Bertsolariak / Egileak

Sorozabal, Jokin

Lana

Bakarka gaia-emanda kartzelako-lana

Jarritako gaia

Txirrindularia zara. Etaparen erdia, denei tiraka ibili behar izan duzu. Etapako azken portua igotzerakoan azkena geratu zara eta bakarrik zoaz.

Gaiari oharrak

Aukerako gaiak:
1. GAIA: Astelehen goizeko 7ak dira. Tabernan zaude, atzo txanpaina edaten ari zinen leku eta ordu berean
kafesnea hartzen.
2. GAIA: Txirrindularia zara. Etaparen erdia, denei tiraka ibili behar izan duzu. Etapako azken portua
igotzerakoan azkena geratu zara eta bakarrik zoaz.

Deskribapena

Doinua

Maitasuna da bizi izateko

Neurria / Estrofaren izena

Neurri luzekoak

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

1993-12-05 Eibar Txapelketa 11:30 [Bertsoa] / Jokin Sorozabal

Neurria:  Neurri luzekoak 
Kokapena:  XDZ - Xenpelar Dokumentazio Zentroa 

---

Txirrindulari egin ninduen
kirolzaletasun suak,
ta animatu ere gogotik
lagunek eta auzuak.
Egitan zerbait egin beharrez
orain datoz arazuak.
Gaur hemen nere pausuak
ez ziren hain erosuak; (bis)
ez daude berdin banaturikan
mikatzak eta gozuak:
batzui nekeak eta besteei
loreak eta musuak.(bis)

Hala ta guztiz nik lanerako
gorde nahi nuke afana,
egunez egun betetzen segiz
zuzendariak esana,
eta gaur arte bezela zaindu
taldekiden harremana.
Prentsako jendean lana...
jarriko dizuet plana.(bis)
Bada gauza bat garbi uzteko
nik gogoa daukadana:
nork jaso duen txapela eta,
zein den lan egin duana.(bis)

Konpetizio gogor honetan
badaude hainbat kolore;
gaur bezelaxe neri ezinak
sortu dit hainbat nahigabe,
nahiz ta barruan sentitzen dedan
besteek hainbat ohore.
Egidazue mesede,
hau konprenitzeko ere: (bis)
nahiz ta sufritu, sekula ez naiz
besteak bezain dotore,
eta karrera bukatuko zait
txapelikan jaso gabe.(bis)