BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusia (11. 1993)

Saioa

1993-12-19 Donostia Txapelketa 17:00

Gai-emailea

Mandaluniz, Bernardo

Bertsolariak / Egileak

Lizaso, Sebastian

Lopategi, Aritz

Lana

Binaka gaia-emanda

Jarritako gaia

Sebastian, biajante bat zaitugu; eta zu Aritz, zahar-etxe bateko Madre Superiora. Biajante honek, denetik saltzen du eta gaur etxe honetara produkto afrodisiakoak ekarri ditu. Tinbrea jo du eta Madre Superiora irten zaio atera.

Deskribapena

Doinua

Kantatzera nijoa

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

1993-12-19 Donostia Txapelketa 17:00 [Bertsoa] / Sebastian Lizaso, Aritz Lopategi

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

S. Lizaso:
Nere lana izaten da
denetik saltzea,
ta gaur bisitatu dut
zaharren etxea;
nahi nuke nik zaharrak
sasoira biltzea,
eta ez da prezixo
zuk erabiltzea. (bis)

A. Lopategi:
Produktuak saltzea
duzu zeure kargu,
igo gora zenduke
gora graduz-gradu ;
afrodisiakoez
zatozkit ondradu,
guk errezatzeakin
nahikoa daukagu. (bis)

S. Lizaso:
Une baten hortikan
har zazu deskansu;
produkto hauek dira
jauna bezain ahaltsu;
aukera daukazu ta
probatu itzazu;
hortan seguru nago,
gustatuko zaizu. (bis)

A. Lopategi:
Saldu nahi zenidake
produktu itzela,
plazer haundia lortzen
omen da horrela,
baina ez dugu behar
diozun bezela;
ez al dakizu beti
glorian gaudela? (bis)

S. Lizaso:
Jaunak lagundu behar
hori sinisteko,
ez dezu motiborik
ateak ixteko;
hemen aitonak daude
umore tristeko,
hauek balio dute
"kandelak pizteko". (bis)

A. Lopategi:
Kontu hoietan beraz,
zu zaitugu maisu,
ta kandeletaz ere
jo duzu abisu,
saldu gabe ez zazu
alde egin aizu;
monagiloak, igual,
erosiko dizu. (bis)

S. Lizaso:
Hari ez dio egingo
hainbeste mesede,
zaharrak jartzen ditu
sasoian dotore;
zu're jarri zindezke
lore baten pare,
ta probatzeko eman
kapilauai ere. (bis)

A. Lopategi:
Ikusi al duzue
honen jenioa?
Inola ere ez da
tipo serioa,
ta oraintxe eman behar
diot adioa,
errezatu behar baidut
errosarioa. (bis)