1993-12-19 Donostia Txapelketa 17:00 [Bertsoa] / Sebastian Lizaso, Aritz Lopategi

Sebastian, biajante bat zaitugu; eta zu Aritz, zahar-etxe bateko Madre Superiora. Biajante honek, denetik saltzen du eta gaur etxe honetara produkto afrodisiakoak ekarri ditu. Tinbrea jo du eta Madre Superiora irten zaio atera.

Description

Melody

Kantatzera nijoa

Stanza name

Zortziko txikia (hg) / Lau puntuko txikia (ip)

Localization

Localization: XDZ - Xenpelar Dokumentazio Zentroa
Collection / Fond / Project: Txapelketetako Bilduma

1993-12-19 Donostia Txapelketa 17:00 [Bertsoa] / Sebastian Lizaso, Aritz Lopategi

Stanza name: Zortziko txikia (hg) / Lau puntuko txikia (ip)
Localization: XDZ - Xenpelar Dokumentazio Zentroa

S. Lizaso:
Nere lana izaten da
denetik saltzea,
ta gaur bisitatu dut
zaharren etxea;
nahi nuke nik zaharrak
sasoira biltzea,
eta ez da prezixo
zuk erabiltzea. (bis)

A. Lopategi:
Produktuak saltzea
duzu zeure kargu,
igo gora zenduke
gora graduz-gradu ;
afrodisiakoez
zatozkit ondradu,
guk errezatzeakin
nahikoa daukagu. (bis)

S. Lizaso:
Une baten hortikan
har zazu deskansu;
produkto hauek dira
jauna bezain ahaltsu;
aukera daukazu ta
probatu itzazu;
hortan seguru nago,
gustatuko zaizu. (bis)

A. Lopategi:
Saldu nahi zenidake
produktu itzela,
plazer haundia lortzen
omen da horrela,
baina ez dugu behar
diozun bezela;
ez al dakizu beti
glorian gaudela? (bis)

S. Lizaso:
Jaunak lagundu behar
hori sinisteko,
ez dezu motiborik
ateak ixteko;
hemen aitonak daude
umore tristeko,
hauek balio dute
"kandelak pizteko". (bis)

A. Lopategi:
Kontu hoietan beraz,
zu zaitugu maisu,
ta kandeletaz ere
jo duzu abisu,
saldu gabe ez zazu
alde egin aizu;
monagiloak, igual,
erosiko dizu. (bis)

S. Lizaso:
Hari ez dio egingo
hainbeste mesede,
zaharrak jartzen ditu
sasoian dotore;
zu're jarri zindezke
lore baten pare,
ta probatzeko eman
kapilauai ere. (bis)

A. Lopategi:
Ikusi al duzue
honen jenioa?
Inola ere ez da
tipo serioa,
ta oraintxe eman behar
diot adioa,
errezatu behar baidut
errosarioa. (bis)

BDB Bertsolaritzaren datu-basea

Bertsos - View details To know more about this section