BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusia (12. 1997)

Saioa

1997-10-18 Aramaio Txapelketa

Gai-emailea

Mandaluniz, Bernardo

Bertsolariak / Egileak

Lujanbio, Maialen

Lana

Bakarka gaia-emanda kartzelako-lana

Jarritako gaia

Bihotzeko aldizkari batek bostehun milioi eskaini dizkizu zure abentura pertsonalak kontatzearen truke. Jarri izango dizu nahikoa buruhauste.

Deskribapena

Doinua

Gregario edo laguntzaile naiz

Neurria / Estrofaren izena

Neurri luzekoak

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

1997-10-18 Aramaio Txapelketa [Bertsoa] / Maialen Lujanbio

Neurria:  Neurri luzekoak 
Kokapena:  XDZ - Xenpelar Dokumentazio Zentroa 

---

Rebista merke horiek badute
Euskadin nahiko entzute,
ustekabean neri zirikan
jo eta ke dihardute!
Esaten dute "bihotz hautsin bat
izango dezu bai zuk'e".
Ez nuen askorik uste
izaterik hainbat suerte! (bis)
Abizena're salduko nuke
nik bostehun milioiren truke!
Silveirarekin erromantze bat
denek sinistuko dute. (bis)

Beraz Silveira hartu behar det
nik nere aldamenean,
gorputzez ere ez al gaude ba
biok aldarte onean?
Ta jada nago argazkilari
bati deitzeko planean;
hasi dedila lanean,
hala hobe gehienean. (bis)
Ta argazki bat aterako det
mingainea mingainean,
komon batean biok biluzik
baskula baten gainean. (bis)

Modak ez dio inoiz egiten
gure buruei mesede,
baina eragina izaten dute
eta asko daude grabe.
Beraz eskemak aldaraztea
izango da askoz hobe;
Xabier ta ni parez pare,
igurtziz gure goi ta behe. (bis)
Pasarelako modelo horiek
modaz pasatuta daude,
aldarrikapen bat eingo degu
gure mitxelinen alde. (bis)