Bertsoak - Fitxa ikusi Atal honi buruz gehiago jakiteko
2005-12-18 Barakaldo Txapelketa 11:00 [Bertsoa] / Amets Arzallus, Jon Maia
Bertsoa entzun |
2005-12-18 Barakaldo Txapelketa 11:00 [Bertsoa] / Amets Arzallus, Jon Maia
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
J. Maia:
Paper guztiak aurrean daude
Amets hurbildu parera
une honetan hastera doa
urte luzeko karrera;
ene hauxe da konpromisoa
sakon-sakona gainera
ez elizatik, ez zibiletik
bankutik ezkondu gera.
A. Arzallus:
Beraz bankutik ezkondu behar
gure arnas apurretik
berrogeita hamar urteko soka
lotu dugu zintzurretik;
ausardiatik adina daukat
nik oraintxe beldurretik
ea etxea ez den erortzen
hipotekaren aurretik.
J. Maia:
Etxera oraindik ez gera sartu
Amets gelditu, gelditu!
Zer egitera goazen jakin
eta ez orain akitu.
Berrogeita hamar urtetaraino
hipotekak lotu gaitu;
gure arteko harreman honek
ba al du hainbat kreditu?
A. Arzallus:
Momentu hontan nere kreditu
bakarra da hipoteka
ta ordaintzeko hasi beharko da
soluzio baten xerka:
trapitxeoan hasi beharko da
kale kantoian gordeta
edo bestela urtero egin
behar dugu txapelketa.
J. Maia:
Lasaitasuna hartu gentzake
esperantzaren gainean
nik ere orain nahiko zalantza
badut nere barrenean.
Maita gaitezen onean eta
baita txirotasunean
jada pareja de bertso gera
bankuaren izenean.
A. Arzallus:
Pareja hori izendatzea
nahiz ta ez izan arrunta
tira har zazu boligrafoa
ta zure firma apunta;
ahaztu dezagun, joan gaitezen
gure paperak hartuta
pentsatze hutsak hipoteka're
haunditu egiten du-ta.
Datu-base honetan eskainitako informazioari buruz jakiteko, kontsultatu lege oharra