Bertsoak - Fitxa ikusi Atal honi buruz gehiago jakiteko
2005-11-06 Hendaia Txapelketa [Bertsoa] / Fredi Paia
| Bertsoa entzun |
2005-11-06 Hendaia Txapelketa [Bertsoa] / Fredi Paia
Neurria:
Neurri berezikoak
Kokapena:
XDZ - Xenpelar Dokumentazio Zentroa
Amak bidali ninduen
Algortako ikastolara
ama hizkuntza bainuen
español edo erdara
baina gainditu nuen nik
nire hizkuntzaren traba
ta euskal munduan sarturik
daramat azken bolada;
ikaskide hoiei begira
galdu behar dut patxada
adarra jotzen dabiltza
ala ahaztu al dute euskara? (bis)
Ezin diet begiratu
begira nabil goruntza
ikastola bihurtu da
gure hizkuntzaren hilkutxa
nahiz beraiei iruditu
deseroso ta harroputza
"egin zazue euskaraz"
esanda noa aurreruntza
"Fredi ez gaude klasean"
da euren erantzun hutsa
euskara ez da ikasgai bat
euskara da gure hizkuntza. (bis)
Ailegatu naizenean
guztia zen zoriona
halako zaplaztekorik
lehen ezin nezake soma
ez nekien bakarrik zen
ardoen osteko broma
beraiek ta nire artean
sortu da kristoren horma.
Arantza dut bihotzean
mingarri bezain sakona
jarrera aldatu ezik
berriro ez nator hona. (bis)
Datu-base honetan eskainitako informazioari buruz jakiteko, kontsultatu lege oharra