Bertsoak - Fitxa ikusi Atal honi buruz gehiago jakiteko
2009-11-21 Gernika-Lumo Txapelketa [Bertsoa] / Sustrai Colina, Beñat Gaztelumendi
| Bertsoa entzun |
2009-11-21 Gernika-Lumo Txapelketa [Bertsoa] / Sustrai Colina, Beñat Gaztelumendi
Neurria:
Hamarreko txikia (hg) / Bost puntuko txikia (ip)
Kokapena:
XDZ - Xenpelar Dokumentazio Zentroa
B. Gaztelumendi
Garai batean egin
genuen zarata
orain kamera denak
urruti lagata
baina esperientzirik
ez zaigunez falta
ematen det hitzaldi
kopuru galanta
oraindik ere gure
beharra bada-ta!
S. Colina
Ene Josu Jon lagun
halakoren baten
jubilatzea ez da
errexa izaten
beti zabiltza txapa
galantak ematen
bihar Gernikan eta
etzi Arrasaten...
Ez duzu inoiz jakin
isilik egoten.
B. Gaztelumendi
Zuk zein errex botatzen
didazun hordago
tamalez zure ospe
ta famak akabo.
Lehen lehen lerroan
ta orain arraro
ni lehen Jaularitzan gaur
Petronorren nago
baina gaur agintzen det
lehen baino gehiago.
S. Colina
Zuk beti agintzeko
baduzu kopeta
edonundik zabiltza
pobreei kolpeka.
Neri hitzalditako
nahiz deitu tarteka
nahio isilik egon
ez da berriketa
nere kide guztiak
kartzelan daude-ta!
B. Gaztelumendi
Beren ideia eta
iritziei esker
kondenatu dituzte
haiek mila bider.
Zu oraindik kalean
zabiltza baina zer?
Hain harro ez zaitezela
zu ibili joder
zu ere bertan egon
baitzintezke laister!
S. Colina
Bai Ares egurrean
ari da jo ta ke
inkisizio baten
hartu nahi du parte.
Nahiz ta diskreto xamar
nabilen gaur arte
eta mikrofonotik
ibili aparte
sukaldeko lanean
topatuko naute.
Datu-base honetan eskainitako informazioari buruz jakiteko, kontsultatu lege oharra