BDB Bertsolaritzaren datu-basea

Informazio orokorra

Kategoria

Bat-batekoa

Saioa

2010-12-11 Zumarraga Jaialdia

Gai-emailea

Ojanguren, Gorka

Bertsolariak / Egileak

Arzallus, Amets

Egaña, Andoni

Iturriaga, Unai

Lujanbio, Maialen

Lana

Launaka gaia-emanda

Jarritako gaia

Astebete da ia Xabier Lete joan zitzaigula. Berak idatzitako zenbait abestiren hasiera emango dizuegu gai gisa, bertso bana kantatzeko.
Lehenengoa Maialenentzat: "Amaren bularra, haurraren janari / haurraren negarra beti hunkigarri".
Bigarrena Unairentzat: Langile baten semea naiz / aita bezala langile".
Amets, zuretzat: "Ni naiz erreka zikinen iturri garbiak aurkitu nahi dituen poeta tristea".
Eta Andoni, zuretzat: "Aurrean papera ta / atzean papera / periodikoa leituz / ilustratzen gera".

Deskribapena

Doinua

Haizea dator ifarraldetik

Haurtxo txikia negarrez dago I

Hil da Canovas fuera Canovas I

Neurria / Estrofaren izena

Zortziko handia (hg) / Lau puntuko handia (ip)

Edukiari buruz

Pertsonak

Lete, Xabier

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2010-12-11 Zumarraga Jaialdia [Bertsoa] / Amets Arzallus, Andoni Egaña, Unai Iturriaga, Maialen Lujanbio

Neurria:  Zortziko handia (hg) / Lau puntuko handia (ip) 
Kokapena:  XDZ - Xenpelar Dokumentazio Zentroa 

---

Lehenengoa Maialenentzat: “Amaren bularra, haurraren janari/ haurraren negarra beti hunkigarri”.

Neurria: Zortziko handia
Doinua: Haurtxo txikia negarrez dago I

M. Lujanbio:

Aman bularra ta haurtxo txikia
hari ikasi diogu
ze kantu eta ze transmisio
eta ze irudi modu!
Isilik dagonan balioaz
hezitu gintun gero gu
ze isilik dagonaren hitzak
gero gehio balio du.



Bigarrena, Unairentzat: “Langile baten semea naiz/ aita bezala langile”.

Neurria: Hamabiko handia
Doinua: Haizea dator ifarraldetik

U. Iturriaga

Lehenago esan ditudanekin
redundantzian beharbada
langile baten semea naiz ni
ta neu langile naiz jada.
Gainera ez dut besterik gura
konforme nago ta hara!
Amorratzen nau begiratzeak
sarri telebistetara
nola badauden hiru-lau pijo
igota goiko mailara
soilik pozten nau noizbait joateak
beraien hiletetara.




Amets, zuretzat: “Ni naiz erreka zikinen iturri garbiak aurkitu nahi dituen poeta tristea”.

Neurria: Zortziko handia
Doinua: Haurtxo txikia negarrez dago I

A. Arzallus:

Poeta tristea nola zoan
eguneroko gudura
iturri garbi bat hartu eta
begiratuz sorburura
iturri garbi erreka zikin
nunbait bada kutsadura
poetak aurkitu ote zuen
nork zikintzen zuen ura?




Eta Andoni, zuretzat: “Aurrean papera ta / atzean papera / periodikoa leituz / ilustratzen gera”.

Neurria: Hamarreko handia
Doinua: Hil da Canovas fuera Canovas

A. Egaña:

Hirurogeita hamargarrengo
hamarkadako moldea
Diario Vasco, La Voz de España
zer-nolako uholdea!
Egin ta Deia iritsi ziren
esperantza bat gordea
Egunkaria heldu zen gero
Berriaren kolorea
komunak berdin-berdinak dira
ta prentsa askoz hobea.