BDB Bertsolaritzaren datu-basea

1979-12-30 Gernika-Lumo

Hameka aldiz Gernika entzun
izan baitut lehenago
egun berarekin naizelakotz
oso pozturikan nago
zazpi probintzietan bat bada
hau printzipalena dago
egun gizon bat urosa naiz ni
iñun bat baldin badago.

Gernikatarrak egonak dira
lehengo urtetan nigarrez
haur eta lagunak galtze hori
ez zagolakoan errez
egun deraukan nortasun hori
pagatua du odolez
nik ere neurea emango nuke
herriarentzat beharrez.

Eskualdunaren asmo onak
Gernikan gaur zutan dira
zoin ez da egon otoitzez edo
zure arbolari begira?
Euskal Herriko gizon guziak
nere gogoko balira
guziak horrat bildu gaitezen
arbola horren azpira.