BDB Bertsolaritzaren datu-basea

General information

Kategoria

Bat-batekoa

Performance

2011-05-06 Zestoa Jaialdia

Conductor

Elizasu, Unai

Bertsolaris / Authors

Arzallus, Amets

Lujanbio, Maialen

Exercise

Binaka gaia-emanda

Proposed topic

Bikote hasiberria zarete. Asteburuetan bakarrik juntatzen zarete. Gaurko egunez, ostiral batez, elkarrekin joaten zarete afaltzera, eta ba horixe, ostiraleko plana: afaldu ostean, leku baten bila. Joan zarete mendi aldera, eta Ametsek, "ez, ez; hemen haizea dabil". Joan zarete itsas bazterrera eta "ez, ez; hemen olatuak sartzen dira eta..". Ordubete daramazue bueltaka.

Description

Melody

Dama gazte xarmant bat

Stanza name

Zortziko txikia (hg) / Lau puntuko txikia (ip)

Localization

Localization

XDZ - Xenpelar Dokumentazio Zentroa

Collection / Fond / Project

Bapatean Bilduma

2011-05-06 Zestoa Jaialdia [Bertsoa] / Amets Arzallus, Maialen Lujanbio

Stanza name:  Zortziko txikia (hg) / Lau puntuko txikia (ip) 
Localization:  XDZ - Xenpelar Dokumentazio Zentroa 

---

M. Lujanbio:
Tipo honen aguantea
ez da humanoa!
Zuk dezu gogo epela
nik daukat monoa
"Hemen ez" beti "Itxoin
hauntzaxio noa"
zertako erosi zendun
todoterrenoa? (bis)

A. Arzallus:
Erostera joan nintzan
Volswagen batera
kotxe elegante ta
txuloa atera
honekin ateratzen
nintzan ligatzera
beraz sobran daukagu
hemendik aurrera. (bis)

M. Lujanbio:
Itzurun ta Azpeiti
hiruzpalau jira
berriz joan ta etorri
ta berriro bira.
Zure gasoila igual
gastatzen da tira
baino nere bateria
kargatzen ari da. (bis)

A. Arzallus:
Baina hara nun dauden
garbi arazoak!
GPSan dauzkat
nik mapa osoak
nahiz agertu mendiak
eta itsasoak
ez du jartzen nun dauden
gure gurasoak. (bis)

M. Lujanbio:
Orain azeleratu
eta orain galga
oain argia dagola
oain dagola malda
txortan noiz eingo degun
nahi dizut nik galda
elea kendu arte
itxoin behar al da? (bis)

A. Arzallus:
Ene holakoik ez nun
nik entzuna inun!
Baina noizbait behar ta
gertatu da egun.
Joño! Txortan egin nahi
al zendun ba lagun?
Hori hasieratik
esan behar zendun. (bis)