Bertsos - View details To know more about this section
2005-12-18 Barakaldo Txapelketa 11:00 [Bertsoa] / Andoni Egaña, Jon Maia
Bertsoa entzun |
2005-12-18 Barakaldo Txapelketa 11:00 [Bertsoa] / Andoni Egaña, Jon Maia
Stanza name:
Zortziko txikia (hg) / Lau puntuko txikia (ip)
Localization:
XDZ - Xenpelar Dokumentazio Zentroa
A. Egaña:
Pasiloan utzita
balantzen aztarna
iufaka hor sartu naiz
sukaldean barna
eta ordu hauetan
hauxe panorama...
Ze kamisoi polita
dakarkizun ama! (bis)
J. Maia:
Gure etxean bada
hamaika endredo
bitxo eta txipiroi
ai zenbat jenero!
Kamisoi polita det
beltz-beltza da edo...
txipiroiak prestatzen
jardun eta gero. (bis)
A. Egaña:
Gauean zazpi whisky
hor nonbait edanda
kolpetik iritsi zait
gosearen txanda;
ezpainak tintaz dauzkat
egia esanda
kazuelatik salto
egingo zidan-da. (bis)
J. Maia:
Kaxuelatikan salto
semean harian
amore ematea
hobe dut agian
bazkari dena jaten
goizaren erdian
hurrengoan etorri
zaitez eguerdian! (bis)
A. Egaña:
Aita bakarrik dago
eta itzul zaite!
Eitekoa egina
dago baldinbaite:
nik orain hau jatea
ez da zure kalte
bihar ez naiz jeikiko
hiru ta erdik arte. (bis)
J. Maia:
Hiru t'erdiak arte
nahi zenuke marka
nere txipiroitxoa
a ze esperantza!
Joan zaitez ohera
ta ez berriz altxa...
Datorrenean aitak
egingo du saltsa! (bis)
A. Egaña:
Txipiroiak biharko
zeneuzkan gordeta
nik orain irensteko
nolako apeta!
Ama, tori muxu bat
ta ohera buelta
ai, barkatu marka bat
utzi dizut-eta. (bis)
J. Maia:
Marka utzi didazu
tinta beltzen printza
nolako aldrebesa;
seme, zer zabiltza?
Ez det ezer egingo
hau da hau langintza!
Hurrengorako deitu
zazu telepizza. (bis)