Bertsos - View details   To know more about this section

2005-01-05 Oñati Jaialdia [Bertsoa] / Joxe Agirre, Sebastian Lizaso

Bertsoa entzun  

General information

Kategoria
Bat-batekoa
Performance
2005-01-05 Oñati Jaialdia
Gai-emailea
Aizpuru, Egoitz
Bertsolaris / Authors
Agirre, Joxe
Lizaso, Sebastian
Exercise
Binaka gaia-emanda
Proposed topic
Hirurogei urteko gizon-emakumeak dira. Gizona Lizaso eta emakumea Agirre. Bikotekiderik ez dute aurkitu, baina elkar maite izan dute bizitza guztian. Inoiz ez diote elkarri ezer esan. Gaur iritsi da horretarako txanda.

Description

Melody
Kantatzera nijoa
Stanza name
Zortziko txikia (hg) / Lau puntuko txikia (ip)

Localization

Localization
XDZ - Xenpelar Dokumentazio Zentroa
Collection / Fond / Project
Bapatean Bilduma

2005-01-05 Oñati Jaialdia [Bertsoa] / Joxe Agirre, Sebastian Lizaso

Stanza name:  Zortziko txikia (hg) / Lau puntuko txikia (ip) 
Localization:  XDZ - Xenpelar Dokumentazio Zentroa 

S. Lizaso:
Beti auzokidea
ia-ia anai
baina ez gera izan
hizketarako gai;
zahartzaroa ez dut
bakarrik pasa nahi
zu asko maite zaitut
ta behar ere bai.

J. Agirre:
Nahiko zahartuta gaude
zerbait eratzeko
baina bildurra degu
bakar geratzeko.
Oaindik garaian gaude
enamoratzeko;
nik laguna falta dut
hankak berotzeko.

S. Lizaso:
Zu beti bihotzean
zu beti buruan
biok ibili gera
koldarren moduan.
Bero eskean zatoz
garai beranduan
probatuko al gera
suaren onduan?

J. Agirre:
Beraz suan onduan
dezu aukeratua
nahiko beldurturikan
nago geratua;
surik gabe ote dago
ezin eratua?
Gizarajo hori zaude
bizarzuritua.

S. Lizaso:
Bizarrak zuri baina
gogoa lehengoa
ia egiten degun
pozaren txangoa;
eta betetze hori
elkarren gogoa
lehen pekatua gendun
orain milagroa.

J. Agirre:
Pekatu zan garaian
gendun tentsiua
baina orain dadukagu
burura iyua.*
Gogua ez dakit dezun
bai intentziua;
xelebria izango da
gure funtziua.

S. Lizaso:
Biok egin beharra
egoeran kargu
hortarako gogoa
biok baitaukagu;
nahiz ta hortan oraindik
aprendiz garan gu
jardun ta jardun igual
ikasiko degu.

J. Agirre:
Mejoratu ote leike
hemendik aurrera?
Orain hasi behar deu
lehen ez zan karrera;
nahiko motelak gaude
gerritikan behera
baina goia ondo da ta
konponduko gera.