Bertsos - View details To know more about this section
2007-08-05 Gasteiz Jaialdia [Bertsoa] / Joxe Agirre, Andoni Egaña, Sebastian Lizaso, Oihane Perea
2007-08-05 Gasteiz Jaialdia [Bertsoa] / Joxe Agirre, Andoni Egaña, Sebastian Lizaso, Oihane Perea
Stanza name:
Lauko handia (hg) / Bi puntuko handia (ip)
Localization:
XDZ - Xenpelar Dokumentazio Zentroa
S. Lizaso: Prentsa arrosan Euskal Herrian
ohitu gabeak daude ta
egin batzuek konta ditzagun
beste batzuek gordeta.
J. Agirre: Egiak gorde esaten dezu
hori al da gure lana?
Bestela ere gezurra bada
munduan zeinek esana!
A. Egaña: Julian Muñoz bizirik dago
baina amodioa hil...
Entzun dudanez orain Pantoja
Agirren atzetik dabil.
O. Perea: Hori notizi primizi bat da
ez dago esan beharrik.
Euskal Herrian ez dira behar
kontu marroiak bakarrik.
S. Lizaso: Dirudienez jendea dago
bertsolariei begira
eta txapeldun jauna bera ere
burua galtzen ari da.
J. Agirre: Ia norbaitek libratzen nauen
Pantoja horren gaitzetik!
Nik ez dadukat alde haundirik oain
aurretik eta atzetik.
A. Egaña: Pantoja zure atzetik dabil bai
izan degu horren berri
nik kontseju bat emango dizut:
galtzak goraxio jarri.
O. Perea: Ba nik gauean ikusi ditut
bestelako kontu batzuk:
hogei urteko neska batekin
Laudiokoa dela uste dut.
S. Lizaso: Hogei urteko neskakin Joxe
hori egia aibala!
Nik ikusi nun baina uste nun
biloba izango zala.
J. Agirre: Hogei urteko neska batekin
nola kontatu afana?
Bakarrik ere pasatu leike
nerekin konforme dana!
A. Egaña: Hogei urteko nexka gazte bat
besarkatzeko aukera;
propio bera joaten zan Joxe
fotografoen aurrera.
O. Perea: Prentsa arrosa bilatzen zuen
ta bilatu oso nahita;
hau Euskal Herrian daukagun
Julio Iglesiasen aita.
S. Lizaso: Ez dakit eta galderatxo bat
daukat luzatu beharra:
buru gorri ta pekosoa al da
Oihane horren senarra?
J. Agirre: Horren senarra ez dakit zer dan
ta ez dit inportik batere
Oihane behintzat nik maitatzen det
senarrik ez balu ere.
A. Egaña: Xebastianen karikatura
Xerapiona zan kasik
baina hori ez du Oihanek senar
tarteka maitale baizik.
O. Perea: Ezkondu gabe seme batekin
ta pekatari itzela
txoritxu batek hori esan dit
pekatuan bizi dela.
S. Lizaso: Ez ikaratu ez degu ezer
txoritxoak esatea
gaur pekaturik astunena da
pekatu ez egitea.
J. Agirre: Andretxo maite izan dituzu
hartu-eman ta tratuak
orandik ere bizi al dira
lehengo apaizen kontuak?
A. Egaña: Programa rosa hontan azkenik
nolako huskeri pila!
Audientzia jeisten ari da eta
bat desmaiatu dadila!
O. Perea: Telecincotik zer ein behar den
nik oso ondo dut ikasi:
benga Sebastian bero dago-ta
alkandora kentzen hasi.
S. Lizaso: Utzi alkandora ta jar gaitezen
politikoei begira:
lehengo alkatea eta berria
kumunean biltzen dira.
J. Agirre: Baina gauza hori bai al zendukan
hemen zertako esanik?
Gasteizen inor ba ote dago
kumunera joate ez danik?
A. Egaña: Alfonso Alonsok bazuen nahia
Lazkozek bazun sasoia
baina rolloa etetera joan zan
lehengo Cuerda santurroia!
O. Perea: Baina hori be komunera doa
nahiz izan hainbat bertute
herri honetako alkateek
tronoa bertan baitute.
S. Lizaso: Nun eta komonean elkartu!
Ausart, ez nitun espero;
eta dena galdu liteke han
bonbari tira ezkero.
J. Agirre: Zorioneko kumon hori da
gaurko hizketagai mardula
okerrena da handik kanpora
kaka egiten degula!
A. Egaña: Uste dit Joxe berriro ere
protagonista haizela:
hemengo andre politiko bat
Agirre dek hi bezela.
O. Perea: Gaur eguneko telebista hau
dago aldaketaz beteta:
orain bagoaz ta gero dator
Miss Euskadi lehiaketa.