BDB Bertsolaritzaren datu-basea

General information

Kategoria

Bat-batekoa

Performance

2000-12-16 Getxo Jaialdia

Conductor

Goikoetxea, Josu

Bertsolaris / Authors

Egaña, Andoni

Iturriaga, Unai

Exercise

Binaka gaia-emanda

Proposed topic

Unai, hogeita sei urte dituzu. Hogeita hamar urteren hatsa kokotean antzematen duzu. Zuk, Andoni, hogeita hemeretzi urte, ia kokoteko bat hartu duzu. Biok, atzo, mozkor latza harrapatu zenuten. Zer moduzko harremana da zuen adinekoen artean. Mozkortuta serio hitz egiten hasten gara, beraz, hasi sexuaz eta maitasunaz hitz egiten.

Description

Melody

Haizea dator ifarraldetik

Stanza name

Zortziko handia (hg) / Lau puntuko handia (ip)

Localization

Localization

XDZ - Xenpelar Dokumentazio Zentroa

Collection / Fond / Project

Bapatean Bilduma

2000-12-16 Getxo Jaialdia [Bertsoa] / Andoni Egaña, Unai Iturriaga

Stanza name:  Zortziko handia (hg) / Lau puntuko handia (ip) 
Localization:  XDZ - Xenpelar Dokumentazio Zentroa 

---

Egaña:
Urtez bastante aurrera noa
ta ukatzea alperrik,
zenbait gauzatan intentziotan
ez diat galdu indarrik.
Lehen hiru trago egin ta gero
nekusan nexka ederrik
ta orain berriz ez det izaten
tragorik egin beharrik.

Iturriaga:
Nik hogeita sei urte bakarrik
ta ia badakit latinez,
orain artean mantendu arren
hainbeste itxura finez.
Sexua beti konpondu leike
zanbonbari eraginez,
baina gizona ondino ere
hil ein leike maiteminez.

Egaña:
Zanbonbarena hor daukagu bai
eta zer erremedio,
baina musika sortu liteke
beste lagun bat medio;
egia esan neure burua
ez dut maite, ez naiz fio...
zanbonbarikan ez zazu aipatu
ta Gabonetan gutxio!

Iturriaga:
Hori bizitza teoria bat zan,
ez dozu ondo ulertu,
nire gorputzai zelan deutsodan
adinagaz gaina hartu.
Galderatxo bat ein gura dautsut,
zuk erantzuna aurreratu:
zenbat alditan maitemindu ta
zuk zenbat bihotz apurtu?

Egaña:
Gazte garaian zoroa eta
txoroa nintzen ni klaro;
egun txar batez ezkondu nintzan
ta abenturak akabo;
zu oso kristau txepela zera
eta jabetuta nago:
zeure burua maitatzen dezu
hurkoa baino gehiago.

Iturriaga:
Narziso hutsa antza ni nintzen
zure ustez sortu mundura;
buru-hausteak etorri jataz
niri gerora ingurura;
ez dogu ezer konpondu eta
aidean ixten dot duda...
adinagatik ta errespetuz
zerbezak zeure kontura.

Egaña:
Kamarera hau ederra zagok,
hara hango señorita...
iruditzen zait oraintxe bertan
nagoela erorita;
zertan aztertu gerorakoen
edo ta geronen pinta?
Zerbezatxo bat edan dezagun
teoriari utzita.

Iturriaga:
Hainbeste gairi, hainbeste ordutan,
hainbeste zerbezaz ekin
ta azkenean amaitzen dogu
beti lez sexuarekin;
ikusten zaitut sasoi onean,
ez zagoz triste ta erkin;
zure moduan egon nahi neuke
zure edadearekin.