Bertsos - View details   To know more about this section

2000-03-18 Getxo Jaialdia [Bertsoa] / Amets Arzallus, Fredi Paia

Bertsoa entzun  

General information

Kategoria
Bat-batekoa
Performance
2000-03-18 Getxo Jaialdia
Conductor
Maia, Jon
Bertsolaris / Authors
Arzallus, Amets
Paia, Fredi
Exercise
Binaka gaia-emanda
Proposed topic
Zuek bi egoera oso desberdinetan zaudeten bi pertsona zarete. Zu, Amets, mendian zaude, libre-libre; zu, berriz, Fredi, kartzelan zaude preso. Banan-banan hiru egoera esango dizkizuet. Kanta ezazue bakoitzak bizi duzuen une honetako egoeratik. 1. Egoera: Biluzik zaudete 2. Egoera: Lehengo lekua eta egoeraz gain, maiteminduta zaudete. 3. Egoera: Loak hartzear zaudete

Description

Melody
Aita asmo hartu det
Bautista Basterretxe
Stanza name
Zortziko txikia (hg) / Lau puntuko txikia (ip)

Localization

Localization
XDZ - Xenpelar Dokumentazio Zentroa
Collection / Fond / Project
Bapatean Bilduma

2000-03-18 Getxo Jaialdia [Bertsoa] / Amets Arzallus, Fredi Paia

Stanza name:  Zortziko txikia (hg) / Lau puntuko txikia (ip) 
Localization:  XDZ - Xenpelar Dokumentazio Zentroa 

1. Egoera: Biluzik zaudete

Doinua: Aita asmo hartu det

A. Arzallus:
Hemengo haize freskoa...
ze giro epela
nere jantzi guztiak
ondoan daudela!
Baina markarik ez dut
Ekaitzek bezela,*
garbi esan dezaket
libre nagoela. (bis)

Doinua: Bautista Basterretxe

F. Paia:
Ni libre ez nago ta
badut tristezia,
euskal preso bat naiz ni, (bis)
hau injustizia!
Gorputza orain daukat
guztiz biluzia,
baina kontzientzia dut (bis)
ederto jantzia. (bis)

2. Egoera: Lehengo lekua eta egoeraz gain, maiteminduta zaudete.

Doinua: Bautista Bazterretxe

F. Paia:
Maitasuna ederto
sustraitu nuen nik,
nire herriko kaletan (bis)
txiki-txikitatik;
nahiz ta nire ondoan
ez egon neskarik,
preso sartu ninduten (bis)
maitasunagatik. (bis)

Doinua: Aita asmo hartu det

A. Arzallus:
Maitemindurik nago,
erranen dut zeren:
animali politak
ainitz dira hemen;
eguzki ta lainoak
denak oso lerden,
mundu natural hau
ai, zer polita den!

3. Egoera: Loak hartzear zaudete

Doinua: Aita asmo hartu det

A. Arzallus:
Nere egoera hau
ez da ez makala,
logurea begitan
nabari dudala.
Amets goxotan sartu
nahi dut berehala
ta gero hegan egin
txoriek bezala. (bis)

Doinua: Bautista Basterretxe

F. Paia:
Niri askatasuna
kendu zidatenez,
lo eitean bakarrik (bis)
egiten dut ihes;
izara artean sartu
ta egin nahi dut amets
nik lo hartzen dudala (bis)
baina herriak ez. (bis)