Bertsos - View details To know more about this section
1996-10-11 Bera Jaialdia [Bertsoa] / Estitxu Arozena, Estitxu Fernandez, Iratxe Ibarra, Maialen Lujanbio
| Bertsoa entzun |
1996-10-11 Bera Jaialdia [Bertsoa] / Estitxu Arozena, Estitxu Fernandez, Iratxe Ibarra, Maialen Lujanbio
Stanza name:
Zortziko handia (hg) / Lau puntuko handia (ip)
Localization:
XDZ - Xenpelar Dokumentazio Zentroa
Lujanbio:
Nahiz ta saioak nahiko polita
eman hasera batean,
kuriosidade eta morboan
mamuak ingurunean;
oso gustora kanta nezake
era hontako gunean,
nesken saioa gauz natural bat (bis)
bihurtzen den egunean.
Ibarra:
"Hau naturala bihurtzean bai"
Iratxek ere hori dio,
baina ez dugu hain naturala
ta horrek ez du balio;
lau bertsolari ta laurak neskak
baina ze erremedio!
Saio mistoak nahiago ditut
baina zer egingo zaio?
Fernandez:
Gaijartzailea ere jarri da
gure sexuai begira,
eta gai honi heldu behar diot
ta joan nahi dut harira.
Lauak emakume izatea
positiboa da, tira,
naturala bihurtu bitartean (bis)
beharrezkoak baitira.
E.Arozena:
Kartela ikusi ta ematen zuen:
lau emakume, lau izar;
ez dut uste nik halaxe denik
ta kritikatzeko indar.
Nahiz ikasteko aukera dagon
gero denboraren zehar,
berak eredu jartzen du beti (bis)
nola ez den egin behar.
Lujanbio:
Detalletxo bat aipatu nahi nun
ezkerraldeko horrena:
badakizute ze farol fama
daukaten Bilbon barrena;
ze harrokeia, ze txuleria
beratarrek dezutena!
Gaijartzailetzat ekartzen dute (bis)
bertsolaririk onena.
Ibarra:
Bertsolaririk onena holan
ez dugu izaten sarri.
Nola askotan izaten naizen
saio mistoen egarri,
paperak pixkat trukatu ezkero
ta animoak eman elkarri,
gaijartzaile neuk egingo nuke (bis)
ta Andoni kantatzen jarri.
Fernandez:
Saio honetan noski ez dago
txapeldunantzat tokirik,
eta jarraitu behar dut orain
hori aldera utzirik.
Emakumena ongi dagola
berriz erran nahi nuke nik,
sexuangatik ez gera etorri (bis)
onak garelako baizik.
E.Arozena:
Lauren artean bakarra ere
konformatu zaigu behintzat;
nik ez dut hartzen gaur eguneko
nagusienetako gaitzat;
bota dugu-ta isiltzen gara,
nahi baduzue hartu aintzat,
kritika gutti nahikoa baita (bis)
ulertu nahi dutenentzat.