Bertsos - View details To know more about this section
2012-05-20 Donostia Jaialdia [Bertsoa] / Andoni Egaña, Jon Maia
| Bertsoa entzun |
2012-05-20 Donostia Jaialdia [Bertsoa] / Andoni Egaña, Jon Maia
Stanza name:
Hamarreko handia (hg) / Bost puntuko handia (ip)
Localization:
XDZ - Xenpelar Dokumentazio Zentroa
J. Maia
Ze bero gauden hemen
ezin mantarik ken
beti amestu eta
lehenbizikoz aurten
hasi zaitez mantari
kolpeak ematen
earki ai geala
pentsatu dezaten. (bis)
A. Egaña
Baina ez zazu eman
ez denaren berri
Jon gaur zure ondoan
nago larri-larri
fallatu egin dezu
eiten dezu sarri
txikia eskatu dizut
ta haundia ekarri. (bis)
J. Maia
Kendu dituzu galtzak
ai ai ai osoa!
Aber eman dezagun
hurrengo pausoa.
Kontxo! Hori al zan ba
ai ze kapritxoa
komentatu zenidan
tatuajetxoa? (bis)
A. Egaña
Jon beti izan dezu
gizarajo planta
orain egin dezuna
ze akats galanta!
Tatuajearekin
ez neri eman lata
hori kantzontziloen
anagrama da-ta! (bis)
J. Maia
Ba ni ja utzi nauzu
bustita eta blai
kantzontzilo anagrama
hori omen da ai!
Ba ari zara ematen
por aqui ta por ahí
ze anagraman jartzen
du "Bietan jarrai". (bis)
A. Egaña
Adarra joaz zatoz
Jon joan zaitez por ahí!
Zure aldamenean
ez nago hain lasai.
Nutrizionistarena
joaten naiz ni ai!
Ez da "Bietan jarrai"
da "Dietan jarrai". (bis)
J. Maia
Andoni semental bat
indartsu ta lerden
hemen bere leienda
gorenetan goren
bat'e eskurik gabe
ari gera hemen
ta begiratu manta
nola eusten duen! (bis) *
A. Egaña
Ba aitortu behar det
zintzo ta ondradu
sofa sarkor batean
galdu gera galdu.
Punta hau zergatik dan
egin danak kargu:
ia odol guztia
hanketan daukagu. (bis)
* Estalkia gorantz jaso zuen.