Bertsos - View details To know more about this section
2013-08-07 Aia Jaialdia [Bertsoa] / Maialen Lujanbio
2013-08-07 Aia Jaialdia [Bertsoa] / Maialen Lujanbio
Stanza name:
Hamarreko handia (hg) / Bost puntuko handia (ip)
Localization:
XDZ - Xenpelar Dokumentazio Zentroa
Gazte jendea eiten ari da
bere sorterritik alde
etorkizuna iluna dago
ta despidoa debalde
politikari asko aberats
diruz beteta goi ta behe.
Nere balantzak ezker ta eskuin
hara baditu bi alde
bata ustela zela banekin
baina biak ustel daude. (bis)
Langabetuen pena gordina
dabil luza eta luza
ta bitartean puztu ta puztu
banketxeen diru funtsa
etxe gabeko hainbeste jende
ta hainbeste etxe hutsa
injustizia ta zapalkuntza
bortxaketa den hizkuntza.
Ai baneukake zeini sartua
nere ezpata kamutsa! (bis)
Justiziak du balantzatxo bat
den-dena dedin enpate
justiziaren ezpata ere
askok ezautu lezake
justiziak du benda begitan
ikusi ez dezan bat’e
ta justizia injustizian
bizi da hemen gaur arte
begitatikan benda kendu ta
ahoan jarri didate. (bis)