Bertsos - View details To know more about this section
2017-12-17 Barakaldo Txapelketa 16:30 [Bertsoa] / Sustrai Colina, Igor Elortza
| Bertsoa entzun |
2017-12-17 Barakaldo Txapelketa 16:30 [Bertsoa] / Sustrai Colina, Igor Elortza
Stanza name:
Zortziko txikia (hg) / Lau puntuko txikia (ip)
Localization:
XDZ - Xenpelar Dokumentazio Zentroa
S. Colina: Jo, hoiek dira zure
aita eta ama!
I. Elortza: Bisigua irensten
badaukat bai lana!
S. Colina: Ta haiekin dagona
ez al da amama?
I. Elortza: Laister telebistan da
gure harremana.
I. Elortza: Ta hiru bikote ohi
ere badauzkat hor
S. Colina: hain ligoia zinenik
ez nekien Igor!
I. Elortza: Uste al zendun ez zela
zure aurretik inor?
S. Colina: Lasai ex-en kuadrilla
oraintxe baitator.
S. Colina: Eta agian dauzkat
zuk baino gehiago
I. Elortza: zu jeloskor zaude ta
ni zalantzan nago.
S. Colina: Orduan ardoari
hobe eman bi trago
I. Elortza: eta ateratzea
beste hiru ardo.
I. Elortza: Kontxo, zerbitzaria
hau ere nire exa!
S. Colina: Horrexegatik dauka
zerbitzeko presa
I. Elortza: oraindik izango da
hamaika sorpresa!
S. Colina: Hortatik libratzea
ez dago erreza.
S. Colina: Jo, ta nere kuadrilla
sartu da atetik!
I. Elortza: Zeuk esango zenien
harrotzeagatik
S. Colina: zuk erakutsi nahia
neukala badakit
I. Elortza: sorpresa hartuko dute
bai gaurkoagatik.
I. Elortza: Hainbeste ezagunekin
nago urduritzen
S. Colina: baina segitzen duzu
mundua txunditzen
I. Elortza: beste zereko zera
hasi zait larritzen
S. Colina: gaur egingo dugunik
ez zait iruditzen.
S. Colina: Agian kumunera
joan behar genuke
I. Elortza: jontxo, hori esateko
zai kasik bi urte!
S. Colina: Han norbait zai dugula
badakizu zuk´e
I. Elortza: ea berotzen garen
larrialdion truke.
I. Elortza: Ta barruan geratu
atea itxita
S. Colina: gauza onik ez baita
hona iritsita
I. Elortza: bihar kontatzeko ere
da kontu polita
S. Colina: hurrengoan etxean
jar dezagun zita!