Bertsos - View details To know more about this section
2017-12-17 Barakaldo Txapelketa 16:30 [Bertsoa] / Maialen Lujanbio, Aitor Mendiluze
| Bertsoa entzun |
2017-12-17 Barakaldo Txapelketa 16:30 [Bertsoa] / Maialen Lujanbio, Aitor Mendiluze
Stanza name:
Zortziko txikia (hg) / Lau puntuko txikia (ip)
Localization:
XDZ - Xenpelar Dokumentazio Zentroa
M. Lujanbio:
Adin hontara heldu
ta hau da pikea!
Kostatu zait nor nintzen
ere jakitea!
Uste al dezu zurea
dela agintea?
Orain kostako zaizu
ni desegitea!
A. Mendiluze:
Baina ez da alperrik
pasatzen denbora
ia ez zaitut behar ta
ez zaude gustora
sortu zinen begiak
itxi ta gerora
ta berriz zabaltzea
aski izango da.
M. Lujanbio:
Pixka bat heldu da ta
harrotu da dena!
Erabat juan zaio
umearen sena.
Aizu, helduaroa da
denik ta tristeena!
Gero´re beharko dezu
zuk irudimena.
A. Mendiluze:
Beti babes aurkitu
ohi da lagunean
baina sobran da adin
gehio degunean
ez naiz bakarra izango
zure jardunean
zenbatgarrena nintzen
curriculumean?
M. Lujanbio:
Zu lehenengoa zinen
sinistu benetan
ni fidelena bainaiz
aizu fideletan!
Ez baldin banauzu nahi
zure ondoan, bertan
azalduko natzaizu
amesgaiztoetan.
A. Mendiluze:
Lehenago ere ez zaude
gutxi eraginda
ta aurrerantzean ez
gehio eragin ba!
Agurtu behar zenuke
gauza bat jakinda:
ez da zure erruz baina
bukatu egin da.
M. Lujanbio:
Gero ez zazula ba
malkorikan xuka!
Gero ez zazula izan
lehengoan gomuta!
Pena da bukatzea
eta nola buka
behin horrelako gauza
ederra sortuta!
A. Mendiluze:
Pena dela zenion
penaz al zaude zu?
Aurrera begiratuz
asma dezakezu
denei berdin eskeintzen
baldin badiezu
lasai, beste lagun bat
aurkituko dezu!