2019-09-29 Elgoibar Txapelketa [Bertsoa] / Endika Igartzabal Murua, Ane Labaka Mayoz

Bikotea zarete. Kaliforniara joan zineten bizitzera gazte zinetela. Jubilatutakoan Euskal Herrira itzultzeko asmoa bazenuten ere, unea iritsi denean, zuri, Endika, han gelditzeko proposamena egin dizu Anek.

Description

Melody

Lagundurikan danoi II

Stanza name

Hamarreko txikia (hg) / Bost puntuko txikia (ip)

Bertso kopurua

Localization

Localization: XDZ - Xenpelar Dokumentazio Zentroa
Collection / Fond / Project: Txapelketetako Bilduma

2019-09-29 Elgoibar Txapelketa [Bertsoa] / Endika Igartzabal Murua, Ane Labaka Mayoz

Stanza name: Hamarreko txikia (hg) / Bost puntuko txikia (ip)
Localization: XDZ - Xenpelar Dokumentazio Zentroa

E. Igarzabal:
Bizitza egin degu
itsasoz bestalde
adinak jarri gaitu
berriz parez pare
zu hemen gelditzeko
intentzioz zare
kontra egingo dizut
oraindik hala’re
ximelduko baigera
sustrairikan gabe.

A. Labaka:
Sustraiak hemen dauzkat
ta ze kontrastea
tokatu zen bikote
gisara haztea
lehen esandako hori
nahiago ahaztea
orain ez geranean
bikote gaztea
ez al da zailagoa
zerotik hastea?

E. Igarzabal:
Ta egindako dena
nahi nuke goraipa
urteak joan dira
berrogeita hamaika
etorri ginenetik
elkarri jarraika
ta itzuli gaitezen
jatorrira nahita
ez delako hastea
jarraitzea baita.

A. Labaka:
Jatorrira itzultzen
da animalia
abentura gosea
daukat itzalia
hementxe sentitzen naiz
mimoz estalia
ingurune honetan
ondo nabil ia
orain hau sentitzen det
nere familia.

E. Igarzabal:
Baino hain lur arrotza
degu begi bistan
ordutik Euskal Herrin
izan naiz gutxitan
hemen gabiltz bueltaka
biok atzetikan
baina bueltau gaitezen
garaiz oaindikan
ta urtero etorri
gaitezke bisitan.

A. Labaka:
Aizu nere lagun min
zu nere printzea
urte luzetan izan
zaitut konplizea
beraz eskatzen dizut
ondo aditzea
aukeran Gabonetan
hara abitzea
hobe da lasaiago
erabakitzea.

BDB Bertsolaritzaren datu-basea

Bertsos - View details To know more about this section