Bertsos - View details   To know more about this section

2020-12-30 Durango Jaialdia 17:00 [Bertsoa] / Maialen Lujanbio

Bertsoa entzun  

General information

Kategoria
Bat-batekoa
Performance
2020-12-30 Durango Jaialdia 17:00
Conductor
Iturriaga, Unai
Bertsolaris / Authors
Lujanbio, Maialen
Exercise
Bakarka gaia-emanda
Proposed topic
Bihar egingo da Plateruenean azken ekitaldia. Bermuta izango da eta kitto! Itxi egingo da. Agurtzeko hiru bertso bota behar dituzu, bakoitza sentimendu batetik. Zeuk aukeratu nondik kantatu.

Description

Melody
Haizea dator ifarraldetik
Stanza name
Hamabiko handia (hg) / Sei puntuko handia (ip)
Bertso kopurua
3

Localization

Localization
XDZ - Xenpelar Dokumentazio Zentroa
Collection / Fond / Project
Bapatean Bilduma

2020-12-30 Durango Jaialdia 17:00 [Bertsoa] / Maialen Lujanbio

Stanza name:  Hamabiko handia (hg) / Sei puntuko handia (ip) 
Localization:  XDZ - Xenpelar Dokumentazio Zentroa 

Lastima ez al da, pena ez al da
ez izatea segira?
Irudi zaharrak etortzen zaizkit
plaza hontara begira:
zerbeza arteko hainbesteko kontu
gauez ezin erretira
musika arteko dantza egunak
artista haundien mira
kantu ozenak ta kontu isilak
belarritik belarrira...
Hau itxi eta huts honentzako
geratuko ote dira?

Ez da damua, baina erremin
puntu bat badauka behintzat
bi milagarren urte bueltan
nolatan eta norentzat?
Nobentatatik zetozen gure
kulturgintzaren ametsak
Kafe Antzoki proiektu haundi
etxe haundi baten ertzak
euskalgintzaren bizibeharrak
eta laguntzarik ezak
harri haundiak jarri genitun
gure asmo haundientzat.

Poza ere bai ta zergatik ez
gainera poz bat itzela
nik hemen beti sentitu izan dut
zerbaiten parte nintzela
euskalgintzaren, bertsogintzaren
abaro goxo, epela
edo azokako egunetan su
nahiz kanpoan izan jela
hainbeste lagun, hainbeste gogo
datozela, doazela
nik sinesten dut erein den hori
berriro sortuko dela.