2022-10-01 Gotaine Txapelketa [Bertsoa] / Nerea Ibarzabal, Ane Labaka Mayoz

Nerea eta Ane, erretretadunak edo jubilatuak zarete. Duzuen diru sarrerarekin oinarrizko gastuak estaltzeko larri zabiltzate. Nerea, gaur Anek erran dizu jantoki sozialean banatzen duten afari beroa hartzera joanen dela.

Description

Melody

Lagundurikan danoi II

Stanza name

Hamarreko txikia (hg) / Bost puntuko txikia (ip)

Bertso kopurua

Localization

Localization: XDZ - Xenpelar Dokumentazio Zentroa
Collection / Fond / Project: Txapelketetako Bilduma

2022-10-01 Gotaine Txapelketa [Bertsoa] / Nerea Ibarzabal, Ane Labaka Mayoz

Stanza name: Hamarreko txikia (hg) / Bost puntuko txikia (ip)
Localization: XDZ - Xenpelar Dokumentazio Zentroa

N. Ibarzabal
Gure pentsiotxoak
bakarrik bi zero
umiliazio gorena
horixe honezkero.
Jantoki sozialean
jan ta salda bero
hontara iristerik
ez nuen espero
horrenbeste urtean
lan egin ta gero.

A. Labaka
Ja txekeek ez dute
nire zigilua
ta mila zati egin
ohi zait ispilua
bihotzean kolpeka
sentituz mailua.
Baina diruarena
ez da jostailua
prest nago irensteko
nere urguilua.

N. Ibarzabal
Emakume helduak
argiak gara gu
urguilu bezain bake
handia daukagu
justu-justuan egin
pare bat enkargu
gobernua ez denez
egin gutaz kargu
orain karitateak
estali behar du.

A. Labaka
Gobernuak egin du
soilik paripea
zein da alargun batek
daukan limitea?
Nahiz ondo egin nuen
berez tramitea
duina izan liteke
harantz ekitea
beste aukera bada
barau egitea.

N. Ibarzabal
Baraua helduko da
agian gaur bertan
herriak segi behar
badu gaur zorretan
eta eskubideak
berriz oporretan
beraz bi pieza gaude
aulki motorretan
luzatzen etengabe
ilara horretan.

A. Labaka
Ta bitartean batzuk
hainbeste etekin!
Billeteak maiz sutan
baitira errekin
giza-piramideak
gu ez gaitu erpin.
Hementxe bi alargun
hemen bi erregin
lotsa ematen dit ta
etorri nerekin.

BDB Bertsolaritzaren datu-basea

Bertsos - View details To know more about this section