Bertsos - View details To know more about this section
1990-12-02 Gernika-Lumo Txapelketa [Bertsoa] / Igor Elortza, Unai Iturriaga
1990-12-02 Gernika-Lumo Txapelketa [Bertsoa] / Igor Elortza, Unai Iturriaga
Stanza name:
Zortziko txikia (hg) / Lau puntuko txikia (ip)
Localization:
XDZ - Xenpelar Dokumentazio Zentroa
Unai:
Honekin konpontzea
ez da horren errez
telebista aurrean
lehertzen da barrez
musu faltsuak eta
berriro "del revés"
askoz hobeak dira
Teo eta Txarles.
Igor:
Aldatu ta aldatu
hortxe gabiltza fin
"Tal para cual" ikusten
hainbeste ahalegin
hausnarketa egin nahi dut
horko galderekin
gero probak eiteko
nire neskarekin.
Unai:
Konponduko ote gara
baina ez oso erraz
nire "Funtzio"rikan
ez duzu nahi beraz
musuak ikutuak
eta gonak hegaz
lizunkeria da ta
gainera erdaraz.
Igor:
Erderaz dala eta
hainbeste enpeino
diskusioan heldu
gara gaur honaino
"Tal para cual" hobe da
ez euki engaino
lau gixajo saltoka
ikustea baino.
Unai:
Bietan ein dezagun
gaurkoan aproba
susmoa igarri dut
behera eta gora
ta hori esatea
hobe izango da
bera joango litzake
bertara gustora.
Igor:
Nik "Tal pa cual" ta berak
"Funtzio"z dizdira
hemen gaudela bata
besteai begira
baina gu bagaitezke
jada erretira
berriketan gaudela
biak buka dira.