Bertsos - View details To know more about this section
1992-12-05 Azpeitia Jaialdia [Bertsoa] / Anjel Mari Peñagarikano
| Bertsoa entzun |
1992-12-05 Azpeitia Jaialdia [Bertsoa] / Anjel Mari Peñagarikano
Stanza name:
Hamaseiko berdina, 8 puntuz eta 8 silabaz (hg) / Zortzi puntuko berdina, 16 silabaz (ip)
Localization:
XDZ - Xenpelar Dokumentazio Zentroa
Ni ez naiz horren zaharra
ta ez naiz horren gaztea,
nolakoa naizen egiz
nahi nuke adieraztea,
neretzat gogokoa da
zuek txaloz ikustea,
kezkaz beterik pasa det
joandaneko astea,
ni ez naiz horren ausarta,
ni ez naiz horren trastea,
nik neuregan somatzen det
sekulako kontrastea:
Bi gauza desberdin dira
nik hala daukat ustea,
jendeak esaten duna
eta naizena bestea.
Ume nintzela sarritan
esaten nion amari,
haundia egindakoan
izan nahi det bertsolari,
bertsotan egin izan det
nik adarjotze ugari,
naizen bezela ez natzaio
ni agertzen jendeari,
ni ez naiz horren gaiztoa
ta ez naiz horren azeri,
ordun nolakoa degu
mutil grazioso hori?
Nortasun bikoitza daukat
nahiz-ta inork ez nabari:
Berritsu hori da Peña,
isil hori Anjel Mari.
Maitasun ezak bihotza
egin izan dit bi zati,
negar malkotan busti det
makina bat musu zapi,
egiz nolakoa naizen
nik beste inork ez daki,
nere barru honek zama
galanta badaramaki,
Peña goraipatzen hainbat
telebista ta irrati,
Anjel Marik nahiago du
isilik eta apalki,
koldarra bezain izua,
izua bezain lotsati,
halaxe izan naiz eta
hala izango naiz beti.