Bertsos - View details   To know more about this section

1992-10-23 Lezo Jaialdia [Bertsoa] / Andoni Egaña, Sebastian Lizaso

Bertsoa entzun  

General information

Kategoria
Bat-batekoa
Performance
1992-10-23 Lezo Jaialdia
Gai-emailea
Iza, Mayi
Bertsolaris / Authors
Egaña, Andoni
Lizaso, Sebastian
Exercise
Binaka gaia-emanda
Proposed topic
Lezoko gurutze Santua ezaguna da bizarrik ez duelako, gutxik bezela, eta gainera beltza izateagatik. Hemen ditugu, Andoni, Gurutze Santua eta Sebastian, restauratu zuena.

Description

Stanza name
Zortziko txikia (hg) / Lau puntuko txikia (ip)

Localization

Localization
XDZ - Xenpelar Dokumentazio Zentroa
Collection / Fond / Project
Bapatean Bilduma

1992-10-23 Lezo Jaialdia [Bertsoa] / Andoni Egaña, Sebastian Lizaso

Stanza name:  Zortziko txikia (hg) / Lau puntuko txikia (ip) 
Localization:  XDZ - Xenpelar Dokumentazio Zentroa 

Egaña:
Restauradore honek
ze jakinduria!
Majina bat izerdi
degu ixuria,
bapo kanbiatu du
Kriston irudia,
lehenago beltza nintzen
ta orain txuria. (BIS)
S.Lizaso:
Aldez aurretik nintzan
zu zuzendu nahian,
parroko jauna ere
zebilen usaian,
nik ondo jarri zaitut
behar zan neurrian,
gizon beltzikan ez zan
Kristoren garaian. (BIS)
Egaña:
Lezokoa beltza zan
nahi badezu jakin,
tipoak atera du
hamaika etekin,
ez zegon pozik nere
kolorearekin,
ta tratun bat egin du
bikaioarekin. (BIS)
S.Lizaso:
Bikarioarekin
daramat jokoa,
eta esango dizut
nik zuri nahikoa,
oin ere xelebre zu
bizar gabekoa,
irudi hau ote da
mutikotakoa? (BIS)
Egaña:
Normala ote degu
Lizason konduta,
nere kolore beltza
errotik kenduta,
ez da nahiko izango
legearen multa,
bukatu behar dezu
eskomulgatuta. (BIS)
S.Lizaso:
Urte asko pasa dut
zu zuzentzeko zai,
nahiz eta ni ez naizen
fedearen etsai,
oraintxe zaude ondo
egon zaitez lasai,
birjina txuria zan,
usoa ere bai. (BIS)
Egaña:
Erdi txantxan ez zaite
hasi nere lagun,
lima batekin honek
arraskatu legun,
holako milagrorik
izan al da inun?
Michael Jackson nintzala
pentsatzen al zendun? (BIS)
S.Lizaso:
Hitzegiten didazu
bastante aldrebes,
kolorez mudatua
du halabeharrez,
nik zu zuritu zaitut
garbitasun onez,
baina hura zuritzen
ez daukazu errez. (BIS)