Bertsos - View details To know more about this section
2005-11-27 Bera Txapelketa [Bertsoa] / Iñigo Mantzizidor "Mantxi", Fredi Paia
| Bertsoa entzun |
2005-11-27 Bera Txapelketa [Bertsoa] / Iñigo Mantzizidor "Mantxi", Fredi Paia
Stanza name:
Hamarreko txikia (hg) / Bost puntuko txikia (ip)
Localization:
XDZ - Xenpelar Dokumentazio Zentroa
Mantxi:
Nahiz ta lasaia naizen
nere baldarrian
txutxumutxu bat dabil
bai gure herrian
gazte bat sartu dala
nei esan beharrian
etorri eta Fredi
lasai earrian
ondo bizi al zera
nere baserrian? (bis)
F. Paia:
Hau huts-hutsik zegoen
hori da kontua
zu jabea zinena
ezin jabetua
gaztetxe baterako
leku perfektua
baina gaur goiz zatoz zu
madarikatua
bederatzi t'erditan
baita kontzertua! (bis)
Mantxi:
Kristonak entzun behar
dizkidazu kaiku
ta borde papelean
ez zazu jarraitu!
Ingurua konpondu
ta disimulatu
oilo batzuk ipini
patata aldatu
marihuana bakarrik
ez zazu landatu. (bis)
F. Paia:
Ez naiz luze egongo
ni zure aiduru
oso haserre zabiltza
nahikoa seguru;
patata landatzea
baduzu helburu
kalimotxo batekin
hartuko zaitugu
asanbleara etorri
ta hitz egingo dugu. (bis)
Mantxi:
Gazte honek sortu dit
halako letxea
baserri ederra du
oilatei antzea
gainera lotsa gabe
hau odol txartzea!
Asanbladara joango naiz
ta ez eman atzea
defenditu behar det
aitaren etxea. (bis)
F. Paia:
Ta orain arte zergaitik
zaizu zuri ahaztu?
Hau huts-hutsik zegoen
ezin da ukatu.
Nor dugu zure aita?
Ez dakit parkatu
baina etorri zaitez
eta parte hartu
kontzertuan aurretik
bertso bat kantatu. (bis)