2005-10-23 Arrasate Txapelketa [Bertsoa] / Estitxu Arozena, Aitor Sarriegi

Bikotekideak zarete. Iaz Estitxuri ahaztu egin zitzaion Aitor, zure urtebetetze eguna eta ez zizun ezer oparitu. Aurten, bezperan etorri zaizu ze opari nahi duzun galdezka.

Description

Melody

Dama gazte xarmant bat

Stanza name

Zortziko txikia (hg) / Lau puntuko txikia (ip)

Localization

Localization: XDZ - Xenpelar Dokumentazio Zentroa
Collection / Fond / Project: Txapelketetako Bilduma

2005-10-23 Arrasate Txapelketa [Bertsoa] / Estitxu Arozena, Aitor Sarriegi

Stanza name: Zortziko txikia (hg) / Lau puntuko txikia (ip)
Localization: XDZ - Xenpelar Dokumentazio Zentroa

A. Sarriegi:
Iaz ez gisan zatoz
aurten galdetzera
despiste bat izan zen
zure arabera
zurikeri faltsuan
etorri al zera?
Iazko egunak ere
bazuen bezpera. (bis)

E. Arozena:
Aurten oroitzapena
jarri dut lanean
mutilaguna pozik
uzteko planean
zure urtebetetzea
dut oroimenean
Caribeko bidaia
jaso nuenean. (bis)

A. Sarriegi:
Zer nahi dedan galdetuz
zatoz putre-putre
aurten betetzen ditu
hogeita hamar urte.
Behin eskatzen hasita
urte hoien truke
iazko oparia
ikusi nahi nuke. (bis)

E. Arozena:
Gaur niri kaña sartuz
ekin eta ekin
hain garrantzitsua're
zela hau ez nekin;
ez baduzu eskatzen
aurten berdin-berdin
gelditu beharko duzu
muxutxu batekin. (bis)

A. Sarriegi:
Ez zaidazu eskeini
xirri edo muxu
hortan bestela ere
abila zara zu
ta egia da nerekoi
jarria naukazu
ta zuk aurten urterik
betetzen al dezu? (bis)

E. Arozena:
Opari batengatik
nolako mobida
jada galdua duzu
iazko diztira
ba ni ez naiz hasiko
datari begira
zu nere izatea
nahiko opari da. (bis)

A. Sarriegi:
Orain arte genbiltzan
biok elkar maitez
agian konpontzea
hobe bide batez:
laxo bat lotu eta
gauez etor zaitez
eta pentsatuko det
barkatu ala ez. (bis)

E. Arozena:
Gauerako utziaz
laztan ta fereka
erabaki dut noa
ia prisaz beteta
oparituko dizut
aurten kamiseta
gainera Hitzakoa
modan daude-eta. (bis)

BDB Bertsolaritzaren datu-basea

Bertsos - View details To know more about this section