Bertsos - View details To know more about this section
2005-12-04 Donostia Txapelketa [Bertsoa] / Ekaitz Goikoetxea, Unai Iturriaga
2005-12-04 Donostia Txapelketa [Bertsoa] / Ekaitz Goikoetxea, Unai Iturriaga
Stanza name:
Zortziko txikia (hg) / Lau puntuko txikia (ip)
Localization:
XDZ - Xenpelar Dokumentazio Zentroa
U. Iturriaga:
Beti asmatu izan dut
ondo erdibitzen
elkartzerako orduan
nahastuko nintzen
pegamenturik ere
ez dut baina aurkitzen
ta mukiekin eitera
ez naiz atrebitzen. (bis)
E. Goikoetxea:
Magoak dantzatzen du
mila aurre-atze
dena nahaspildu da
hasi ta belaxe.
Mukiak sor dezake
hamaika oinaze
eskukin egin zazu
atzo bezelaxe. (bis)
U. Iturriaga:
Ez dakit ausartuko
naizen momentuan
atzo ez nintzen ibili
itxura santuan;
ohitu egin zara baina
Ekaitz zu orduan
besoa eramatera
hankaren lekuan. (bis)
E. Goikoetxea:
Bitan erdibituta
hau mago ergela!
Luzaroan ezin det
jarraitu horrela;
milagro txikiren bat
egin zazu bela
nik ez baitet irauten
oiloek bezela. (bis)
U. Iturriaga:
Saiatu egin beharko naiz
tira ba mutila
konzentratu egingo naiz
ta izan dadila
izan behar duena.
Artxila murtxila!
Hankak eramateko
torizu motxila. (bis)
E. Goikoetxea:
Ilusioa amets
ametsa errekin
artxila ta murtxila
ekin eta ekin
ezin dezu atera
nahi aina etekin;
bizirik irten nintzen
Txan magoarekin. (bis)
U. Iturriaga:
Baina azken ikasgaia
nik galdu egin nun
eta ordutik ezin
aurkituta inun
onar zazu mesede
egin dizut lagun
lehen ere izaera
bipolarra zendun. (bis)
E. Goikoetxea:
Ezpata hartu eta
jo ta atakean
ausartu nintzen baina
neronen kaltean;
aurrerantzean egon
zaitez apartean
untxiarena ondo
atera artean. (bis)