Bertsos - View details To know more about this section
2005-12-18 Barakaldo Txapelketa 16:30 [Bertsoa] / Amets Arzallus, Andoni Egaña
Bertsoa entzun |
2005-12-18 Barakaldo Txapelketa 16:30 [Bertsoa] / Amets Arzallus, Andoni Egaña
Stanza name:
Zortziko txikia (hg) / Lau puntuko txikia (ip)
Localization:
XDZ - Xenpelar Dokumentazio Zentroa
A. Arzallus: Zure nobioa bai
intelijentea!
A. Egaña: Ba zurea ez degu
batere betea!
A. Arzallus: zureak besoan du
indar dexentea
A. Egaña: zurea bestetikan
al da potentea?
A. Egaña: Gure mutil hauekin
ze atarramendu
A. Arzallus: ezin ote ditugu
paretikan kendu?
A. Egaña: nereak maiz ohean
Urtain! esaten du
A. Arzallus: hobe zenun beste bat
bilatu bazendu.
A. Arzallus: Nerea berriz dago
Mike Taisonen alde
A. Egaña: tankera badaukate
zalantzarik gabe
A. Arzallus: iruditzen zait biak
dauzkagula grabe
A. Egaña: belarria horzkatzen
ohitua al zaude?
A. Egaña: Beste batzuk hartzea
hobeto genuen
A. Arzallus: baina etsi beharko
hautatu ondoren.
A. Egaña: Guk zer egiten degu
aspertuta hemen?
A. Arzallus: Eta nik neuk ez dakit
nola hartu nuen.
A. Arzallus: Aldatu beharko da
gaur sexu joera
A. Egaña: bai zuk eta bai nik'e
badegu aukera
A. Arzallus: ta elkarrekin sartu
gaitezen ohera
A. Egaña: nigatik pronto nago
joango al gera?
A. Egaña: Proba egiteko prest
nago ni benetan
A. Arzallus: ea gero ez garen
gelditzen penetan
A. Egaña: tio vivoak utziz
tio vivoetan
A. Arzallus: hoiek segi bezate
biek jostaketan.
A. Arzallus: Ustez tio buenoa
hartu genun baina
A. Egaña: astakirtena irten
zaigu alajaina!
A. Arzallus: Garunean ez dute
besoetan aina
A. Egaña: nereak fuerteena
daduka mingaina.
A. Egaña: Eta ez det entzun nahi
zer esaten duan
A. Arzallus: beraz ez zaite jarri
zu bere onduan
A. Egaña: bakarrik gera bedi
merezi moduan
A. Arzallus: guk ere igual hala
hobea genduan.
A. Arzallus: Zeren ta lauak ere
ez gabiltza zuzen
A. Egaña: orain bihurtu gera
zalantza almazen.
A. Arzallus: Pixagurea daukat
eta goazen goazen!
A. Egaña: Bueno ohira ez ohira *
mugitu gaitezen.
* Ohira = ohera