2005-11-06 Hendaia Txapelketa [Bertsoa] / Amaia Agirre, Unai Iturriaga

Zu, Amaia, obra bateko nagusia zara. Unai langilea. Etxe bat eraikitzeko lurra kentzen ari zaretela giza hezurrak aurkitu dituzue. Unaik obra geratu behar luketela esan dizu Amaia.

Description

Melody

Aresoarren bandera

Stanza name

Zortzikoa, berdinaren moldekoa, 6 puntuz (hg) / Sei puntukoa, berdinaren moldekoa (ip)

Localization

Localization: XDZ - Xenpelar Dokumentazio Zentroa
Collection / Fond / Project: Txapelketetako Bilduma

2005-11-06 Hendaia Txapelketa [Bertsoa] / Amaia Agirre, Unai Iturriaga

Stanza name: Zortzikoa, berdinaren moldekoa, 6 puntuz (hg) / Sei puntukoa, berdinaren moldekoa (ip)
Localization: XDZ - Xenpelar Dokumentazio Zentroa

A. Agirre:
Buru belarri gabiltza
ilun nahiz eguzki printza
lanak aurrera behar du segi
horra nere hitza.
Ez da samurra langintza
baina ez eten ekintza
jarri dezagun heriotzaren
gainean bizitza. (bis)

U. Iturriaga:
Lanak geratu inola
hezurra edo oskola
aurkitu arren oso polita
zure parabola!
Zuri dena bost ajola
etxe orratz edo eskola;
bizia ez duzu errespetatzen
eta hilak nola? (bis)

A. Agirre:
Ez zera hasi suabe
ni ere ez nago herabe
etxebizitzaz hornitu behar
degu goi eta behe;
txoiloa hona parez pare
baina hau ez da debalde
zu ere hezur izango zera
lanbiderik gabe. (bis)

U. Iturriaga:
Amenazua ondoren
zure legea hori omen
sentitzen zara zeure postuan
gorenetan goren
ni ere horrela hemen
ez badaukat nahiko kemen
zure azalari koska egiteko
gertatu baino lehen. (bis)

A. Agirre:
Nahiz ta hezurrak ez ahaztu
dena ez zazu kakaztu
bi aukeretan bat hautatzeak
meriturik ez du;
arkeologoei aurkeztu
hortarako nago prestu
eta horrela bi zentzuetan
baietz aberastu. (bis)

U. Iturriaga:
Honek dauka aurpegia
ez ote da gehiegia
hezur batekin ere ikasi du
aberasten ia!
Tori zuretzat erdia
niretzat zure izerdia
baina barnean eroango dozu
zure miseria. (bis)

BDB Bertsolaritzaren datu-basea

Bertsos - View details To know more about this section