Bertsos - View details To know more about this section
2009-10-17 Uztaritze Txapelketa [Bertsoa] / Beñat Gaztelumendi, Xabi Paya
Bertsoa entzun |
2009-10-17 Uztaritze Txapelketa [Bertsoa] / Beñat Gaztelumendi, Xabi Paya
Stanza name:
Hamarreko txikia (hg) / Bost puntuko txikia (ip)
Localization:
XDZ - Xenpelar Dokumentazio Zentroa
B. Gaztelumendi
Hondurasako grina
nola badaukagun
bi presidente buruz
buru dira jardun.
Hantxe dabiltza lehian
horrenbeste lagun
hedabideetatik
nahiz izan ezagun
guk gure begiekin
ikusi dezagun.
X. Paya
Honek uste ez nuen
bidea hartu du
hegazkin txar batean
nola orain sartu gu?
Hondurasen daukate
hamaika apuru...
Ados, telebistatik
ikusiko dugu
baina gure sofatik
etxean seguru.
B. Gaztelumendi
Zure sofan hain zera
eroso ibiltzen
zure bi eskuekin
palomitak biltzen
baina ja pazientzia
ari zait ahitzen
Hondurasen ari da
ta jendea hiltzen
ez det segi nahi gezur
batean bizitzen.
X. Paya
Gauza bat da egia
argi ez esatea
ta bestea betiko
hartzea kaltea.
Ez al duzu ulertzen
guhaur borondatea?
Ez ote da ba hori
ai Beñat maitea
ardia otsoaren
zulora joatea?
B. Gaztelumendi
Ta zuk zure zuloan
jarraitu nahi tira!
horrek bihurtu arren
pertsona ardira
baina Xabi mundua
aldatzen ari da
eta nik egin nahi det
Hondurasko jira
zuk segi zazu beste
aldera begira.
X. Paya
Orain izango al naiz
gaitz denen errudun?
Hona hemen bi pertsona
hona hemen bi album
ezberdinak garenez
gaur ezberdin jardun.
Mundua aldatzen dabil
ados nago lagun
baina arriskatu gabe
ikusi dezagun.