Bertsos - View details To know more about this section
2009-11-14 Tolosa Txapelketa [Bertsoa] / Sustrai Colina, Igor Elortza
| Bertsoa entzun |
2009-11-14 Tolosa Txapelketa [Bertsoa] / Sustrai Colina, Igor Elortza
Stanza name:
Zortziko handia (hg) / Lau puntuko handia (ip)
Localization:
XDZ - Xenpelar Dokumentazio Zentroa
S. Colina
Gure Maialen hurbildu zaigu
gaurko otordua tarteko
ta esan digu garaia dula
jada ama izateko.
Nahiz albistea entzundakoan
aurrena geratu seko
irrikaz nago txikiteora
bilobarekin joateko.
I. Elortza
Hogeita hamar urte Maialenek
ta haurdundu da behingoan!
Zorioneko ilobatxo bat
dugula laister ondoan.
Parkatu baina diferentea
izango da oraingoan:
zuk erakutsi eiozu jaten
eta neuk txikiteoan.
S. Colina
Ene laztana laster daukagu
berriz etxe bete panpin
gure Maialen hasi zelako
aspaldi Enekorekin
orain biloba bat sortuko da
eta deituko da Jokin
alabarekin egin ez nuna
egingo dut berarekin.
I. Elortza
Beraz Jokintxo badatorrela
notiziarik onena
irudikatu ninteke karro
ta guzti herrian barrena.
Zeuk ere egin gura duzula
behin egin ez zenuena
hasi zaitezke bada bordatzen
babero-an bere izena!
S. Colina
Zu zaude lasai jaiotzerako
baietz izena bordatu!
Baina lehenbizi ikasi behar
nituzke hamaika datu
jakitekotan bilobarekin
egoki nola moldatu
laztana arren esan zaidazu
pardelak nola aldatu.
I. Elortza
Kendu, garbitu ta berriz jarri
tardatzen da segundua
neu ere pozik gure Maialen
baitaukagu haurdundua.
Jakin nahi al duzu zerk estutzen
didan senarra burua?
Amana bezain polita ez da
amamaren titulua.