Bertsos - View details To know more about this section
2009-11-22 Iruñea Txapelketa [Bertsoa] / Aitor Mendiluze, Julio Soto
Bertsoa entzun |
2009-11-22 Iruñea Txapelketa [Bertsoa] / Aitor Mendiluze, Julio Soto
Stanza name:
Hamarreko txikia (hg) / Bost puntuko txikia (ip)
Localization:
XDZ - Xenpelar Dokumentazio Zentroa
A. Mendiluze
Bulegoa garbitzen
diguzu aspaldi
baina aldaketa bat
nork ez du nabari?
Gauero garbiketan
ari eta ari
ta beti zerbait uzten
didazu opari
zer esan nahi zenidan
ez daukat hain garbi.
J. Soto
Garbitzen egiten dut
nere eginahala
urte askoan lan honek
babestu nazala!
Garbitzen ibiltzen naiz
triliri-tralara...
Ez daukazula argi
nahi duzun bezala
ba esan nahi nizun asko
maite zaitudala.
A. Mendiluze
Lehen oparien bidez
orain zuzen-zuzen
esan nahi zenidana
orduan hori zen?
Kostatu zaizu bada
asmoa burutzen
barka ez baldin badet
nahi bezela hartzen
baina ia ez degu
elkar ezagutzen.
J. Soto
Zu ikuste hutsa da
neretzat plazera
gaur urduritu egin naiz
esto... aizu... zera...
sartu baitzara nere
barru-bihotzera
ta elkar ezagutzeko
diozun antzera
bihar gauean joango
al gara afaltzera?
A. Mendiluze
Lehendabizi azaldu
dezu maitasuna
orain horren gainetik
ipini zentzuna
afaltzera joateko
esan didazuna
goazen ta han galdetu
lehen esan dezuna
nik kafetan emango
dizut erantzuna.
J. Soto
Bizitzak horrelako
gorabeherak ditu
nere hatzez nahi nuke
zurea ukitu.
Goazen afaltzera
atzetik jarraitu
kafe arte itxaroten
behar badut aritu
erantzuna ezetz bada
isilik gelditu.