Bertsos - View details To know more about this section
2009-12-13 Barakaldo Txapelketa 16:30 [Bertsoa] / Amets Arzallus, Maialen Lujanbio
| Bertsoa entzun |
2009-12-13 Barakaldo Txapelketa 16:30 [Bertsoa] / Amets Arzallus, Maialen Lujanbio
Stanza name:
Hamarreko txikia (hg) / Bost puntuko txikia (ip)
Localization:
XDZ - Xenpelar Dokumentazio Zentroa
A. Arzallus
Langostino pila bat
plateran jarrita
baina gure ama ezin
egon eserita.
Ez al daukagu bada
bankete polita?
Ez zaitez sutondora
joan hola korrika
Olentzero oraindik
ez da etorri-ta! (bis)
M. Lujanbio
Itxaron behar ote da
Olentzero bera?
Mahaia gainezka dala
keba! keba! keba!
langostinoak eta
txorixo platera...
Jaso zazu azkar ze
zure arabera
urte berritan oaindik
hemen eongo gera! (bis)
A. Arzallus
Jarri behar ote dut
hemen belauniko?
Badakit gure amak
gaitu gu begiko.
Esplikatuko dizut
behin eta betiko:
urte berria ama
entzun eta kito
zu ez bazaude hemen
ez da etorriko! (bis)
M. Lujanbio
Ez da urte berria
oraindik da aurten.
Ai urte berrirako
ze gogo neukakeen!
Eta seme-alabek
ze jeta daukaten!
Beti ez jekitzeko
dabiltza esaten...
Platera sukaldera
ez da oinez joaten! (bis)
A. Arzallus
Ez, ez dakite oinez
geu gara testigu
hara ze arrazoia!
amaren kastigu.
Baina egon lasai hemen
hemen gaude hiru
aita hantxe dago-ta
haren zai beti gu
bitxilorea uztean
ekarriko digu. (bis)
M. Lujanbio
Ai zure aita horrek
zenbat buruko min!
Garbitu ez garbitu
erabaki ezin...
Ezetz irteten zaio
lasai gera dedin.
Hurrengo urtean egin
behar degu desberdin:
nik jasoko det baina
afaia zuk egin. (bis)