Bertsos - View details To know more about this section
2008-04-19 Urretxu Jaialdia [Bertsoa] / Amets Arzallus, Sustrai Colina, Nerea Elustondo, Jexux Mari Irazu Muñoa, Fredi Paia, Xabier Silveira
| Bertsoa entzun |
2008-04-19 Urretxu Jaialdia [Bertsoa] / Amets Arzallus, Sustrai Colina, Nerea Elustondo, Jexux Mari Irazu Muñoa, Fredi Paia, Xabier Silveira
Stanza name:
Zortziko handia (hg) / Lau puntuko handia (ip)
Localization:
XDZ - Xenpelar Dokumentazio Zentroa
Neurria: Zortziko handia
Doinua: Kantore berri xarmant batzuek
S. Colina: Bizitza batek mila momentu
daduzka almazenean
eta ez dago bat geratzerik
bakoitzan bizipenean.
Nere ustetan joan behar da
pausurik azkarrenean
manifa baten mila polizi
atzetik datozenean. (bis)
A. Arzallus: Nahiz ta Sustraiek aipatu duen
beltzak atera ondoren
nere ustetan lehenago ere
jakin behar dute nor garen.
AHTan kontra derrigor
azkar joan behar da zeren
gelditu egin behar delako
berandu izan baino lehen.
F. Paia: Larunbatetan patxadaduna
izaten da bazkaria
ta siesta on bat horren osteko
asteburuko oparia
baina esnatu ta saiorako
erlojuari begia.
Gaur erabili behar izan dut
abiadura haundia. (bis)
X. Silveira: Abiadura haundiarenak
sortzen dit nahiko bertigo
ze izan trena edo bizitza
hobe astiro-astiro.
Nik azkar ez dut inoiz deus egin
ta ez dut inoiz egingo.
Marokon argi esaten zidaten
"La prisa mata amigo". (bis)
N. Elustondo: Nahiz ta hori ez den kabitzen
herritar denen senetan
ez ote gera sarritan bizi
tristuran eta penetan?
Abiadura haundiz mugitu
beharra dago benetan
gure herrian injustizi bat
gertatzen den guztietan. (bis)
J.M. Irazu: Trenaren kontra azkar joan ezik
konpondu ezin dan arazo
eta herriak bestela ere
badauka hamaika lazo
urte luzeetan bihurtu dana
sufrimenduaren altzo
baino ez dakit nola joan behar dan
azkar edo mantso-mantso. (bis)
Neurria: Zortziko handia
Doinua: Hasiko al naiz hasiko al naiz
S. Colina: Abiadura utzi ta mantso
hasiko ote gara ai!
Kotxean mantso joan behar da
ateratakoan por ahí.
Lana're mantso egin behar da
ahal bada mantso ta lasai.
Siesta ere hobeto mantso
siesta aurrekoa ere bai.
A. Arzallus: Nik normalean abaila fama
izan dut ingurunean
ta batez ere bertso kantuan
lehen abadagunean.
Baina mantsotu egin behar da
hau buruan hutsunean
ta batez ere azken puntuak
aldegiten dizunean.
Neurria: Zortziko handia
Doinua: Garai bateko baserritarra
F. Paia: Eiffel dorrea edo Big Bena
adibide dira tira!
Ondo beidatuz txinatar hoiek
egin zuten harresira.
Egia esan inurriak be
heltzen dira urrutira.
Mundu hontako gauza gehienak
oso mantso egin dira.
X. Silveira: Egon naiz zuri legazpiarrari
ia erantzutekotan
mila arazori azkar erantzun
behar zaiela zion bertsotan.
Hemen ordea abiadura
saltzen da hamar eurotan:
bi egun azkar pasatzen dira
ta hurrengo bostak lotan.
N. Elustondo: Legazpitikan atera eta
bertan Dia parez pare.
Renfe paretik pasa daiteke
balazta zapaldu gabe
ta Labeagan joan behar da
mantso-mantso, bare-bare
han doble filan dauden kotxeak
ez markatzeko bada're.
J.M. Irazu: Bazkaldu mantso egin behar da
nahiz maiz ezin imajina.
Lo ere mantso egin behar da
nahiz sarri gerta ezina.
Parranda ere mantso behar du
hala ibiliko bagina?
Poliki joanda hartzen delako
belozidade haundina.