BDB Bertsolaritzaren datu-basea

General information

Kategoria

Bat-batekoa

Performance

2007-07-08 Amoroto Jaialdia

Gai-emailea

Ibarra, Iratxe

Bertsolaris / Authors

Elortza, Igor

Maia, Jon

Exercise

Binaka gaia-emanda

Proposed topic

Zuek biok hilkutxa baten aurrean dauden bi gizon zarete. Barruan andrazko bat dago; andrazko hori biok ezagutzen duzue, baina elkar ez duzue ezagutzen. Disimuluan elkarri begira egon zarete, eta elkarrekin hitz egiteko ordua dela pentsatu duzue.

Gaiari oharrak

Gai-jartzaileak Maialen Lujanbio jarri zuen hurrengo ariketan hildakoaren paperean.

Description

Melody

Dama gazte xarmant bat

Stanza name

Zortziko txikia (hg) / Lau puntuko txikia (ip)

Localization

Localization

XDZ - Xenpelar Dokumentazio Zentroa

Collection / Fond / Project

Bapatean Bilduma

2007-07-08 Amoroto Jaialdia [Bertsoa] / Igor Elortza, Jon Maia

Stanza name:  Zortziko txikia (hg) / Lau puntuko txikia (ip) 
Localization:  XDZ - Xenpelar Dokumentazio Zentroa 

---

J. Maia: Belaunikatu eta
lore eta muxu...
Hortxe ikusi zaitut
urduri ta izu;
kontxo-kontxo! Juanaren
semea zara zu
sudurra behintzat igual
iguala daukazu! (bis)

I. Elortza: Ez naz ba ez semea
ez izan tentela!
Batzuetan ogean
bero gengozela
gogoan daukat Ramon
esaten eustela
eta pentsatzen dot zeu
izango zarela. (bis)

J. Maia: Ba Ramon ni neu nauzu
hemen naiz apropos
ez pentsa daukadadik
zu ikustean poz;
ez dezu maitasunik
dena zaude hain hotz...
Plastikozko loreekin
hona nola zatoz? (bis)

I. Elortza: Eta zu bape barik
hona hurreratzen...
Ai Ramon azken gabaz
nabil akordatzen:
zeu nintzela esan ta
han hasi laztantzen
eta irribarretxo
horregaz joan zen. (bis)

J. Maia: Barka baina ez zera
batere ernea
begirada daukazu
motza ta xumea
zu orain ikusita
horrelako mehea
zu izan zera beti
nahi nuen umea. (bis)

I. Elortza: Gura eban umea
akabo, akabo!
Zer esaten dau honek?
Mina dauka klaro.
Zuri begira neu be
harrituta nago;
neuk be espero neban
zeozer gehiago. (bis)

J. Maia: Ba horrela bazaude
zakurraren putza!
Gurutzean aurrera
ez ezazu bultza!
Kontxo konturatu naiz
hauxe da hau hutsa!
Nere hilobia zegon
bi kale haruntza. (bis)

I. Elortza: Edan egin ete dau?
Zer dabil esaten?
Hildakoan aurrean
honek zer ein leiken...
Zure hilobia baldin
badago nonbaiten
sartu zaite barrura
ta ez zaite urten! (bis)

J. Maia: Nola da posible hau
gaur ez ulertzea?
Ez daukazu zeharo
beteta eltzea!
Nere hilobia nahi det
ondo ulertzea:
bizirik nagoela
daukat gurutzea. (bis)