Asteartea hamalaua zan
jende dana komeritan
"Harek bonboiak ekarri ditu"
auzokoa inbiritan.
San Balentin eguna
ospatze ez deguna
ailegatu zan korrikan
ta hala zala ohartu nitzen
gaueko hamar t'erditan. (bis)
Nere neskari noski ez zitzaion
eguna ahaztu inola
afalostean hanka azpitik
hala sartu zidan gola:
"Ze egun degu Iker?"
"Asteaizkena laister"
ta esan behar nion hola
garai hauetan gure baratzan
larrosarik ez dagola. (bis)
Garai batean egun horretan
ibiltzen ginen serio
nobedadea eta gazteak
maiteminan ondorio.
Baina gaur egunean
ze pentsa behar dean
esango'izuet propio:
garai batean emandakoek
ez al dute ba balio? (bis)
M. Labegerieren bertso sortako ¨Oi kanta berri izan zaite zu¨ izenez jaso genuen Pantxo eta Xabiren Kasetetik 1984 urtean, baina A. Duhalderenean ¨Oi kanta berri isilik nago¨ delakoa kantatu digu gero B. Lertxundik. Doinua erritmoz -eta, ez da berdina bi iturrietakoa, ohiko legean. Bertsolariek 09 B. Txapelketan bigarrenetik jaso digutenez, guk ere handik transkribatu dugu orain doinua, Txapelketa Nagusiak bertsolarigoan duen eragina kontuan harturik, deitura bera ere aldatuz, Pantxo eta Xabik erabili zutenetik. Uste dut, doinu hau Mixel Labegerie jaunak Xalbadorri eskaini ziola honen omenaldi egunean Urepelen, Xalbadorren doinu berriekiko egarriaren jakitun.
