Bertsoak - Fitxa ikusi Atal honi buruz gehiago jakiteko
2013-12-15 Barakaldo Txapelketa 11:00 [Bertsoa] / Sustrai Colina, Maialen Lujanbio
| Bertsoa entzun |
2013-12-15 Barakaldo Txapelketa 11:00 [Bertsoa] / Sustrai Colina, Maialen Lujanbio
Neurria:
Zortzikoa, berdinaren moldekoa, 6 puntuz (hg) / Sei puntukoa, berdinaren moldekoa (ip)
Argitalpenaren izenburua:
Bertsolari Txapelketa Nagusia 2013 [Liburua]
Kokapena:
XDZ - Xenpelar Dokumentazio Zentroa
M. Lujanbio:
Umeekin neka-neka
egoten zera tarteka
putzu ilunetan nahiago ez sartu
baezpa zer gerta.
Zergatik euki gordeta
ta egia ez errespeta
heriotza ere bizitza honen
zati bat da eta? (bis)
S. Colina:
Hasi ote zara zahartzen
petraltzen ta odol txartzen?
Ba bai herio gure parte da
lehen ere hala zen.
Herio kontutan sartzen
hala ere ez naiz ausartzen
haurrekin nola landu behar dut
ez badut onartzen? (bis)
M. Lujanbio:
Beldurrez zaude ta izu
heriotzera pasadizu
hori denontzat zaila da eta
zuk ondo dakizu.
Haur txiki-txiki mukizu
ze goxoa den begizu
onartzen igual berorrek zuri
lagunduko dizu. (bis)
S. Colina:
Hortan datza gure lana
enpeinoa ta afana
nahiz ta hortara ez den iristen
Wert jaunaren plana.
Heriotza dugu drama
nekez arintzen den zama
ta erakutsi ote dezaket
neuk ez dakidana? (bis)
M. Lujanbio:
Ikasteko afanean
hara hamaika ume han
denek batera baietz ikasi
gaur den egunean.
Gogorra aldamenean
haurrak hain triste planean
gogorrago ez ezagutzea
iristen danean. (bis)
S. Colina:
Sentimentuen garraio
nabil penatu arraio
nahiz orain arte tabua zena
ez esanda nahio.
Joni amonak soraio
betiko esan dio aio.
Orain ez dago ihesbiderik
heldu beharko zaio. (bis)
Datu-base honetan eskainitako informazioari buruz jakiteko, kontsultatu lege oharra