Bertsoak - Fitxa ikusi Atal honi buruz gehiago jakiteko
2001-12-16 Donostia Txapelketa 16:30 [Bertsoa] / Andoni Egaña, Maialen Lujanbio
2001-12-16 Donostia Txapelketa 16:30 [Bertsoa] / Andoni Egaña, Maialen Lujanbio
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
Egaña:
Egiten dun hotzakin
nola kristo irten?
Egurrik ez al dago
hemen txoko baten?
Ulertzen dut: ondotik
ez nazakezu ken;
beste modu batera
esan zenezakeen! (bis)
Lujanbio:
Keba, nere ondoan
nahi zintuzket, hara,
baina horrela biok
izoztuko gara.
Andoni, zu jartzea
nere gain hontara,
izara bat jartzea
bezelakoa da. (bis)
Egaña:
Erantzun behar dizut
amona polita,
nik daukadan bakailau
sikuaren pinta,
flako nagola eta
hainbat kalapita...
Hau konpondu liteke
bat sarri jarrita. (bis)
Lujanbio:
Beraz sarri jartzeko
zure abisuak,
basora juan nahi ez
aitona txintxoak.
Ze-nolako hotzikarak,
ze dardarizoak,
eroriko zaizkigu
hortza postizoak! (bis)
Egaña:
Gu biok hortzak kas-kas,
hauxe hotzikara!
Hortatikan arrazoi
izan dezu, hara!
Holakorik hotzari
ezin zaio laga,
jarri berriak ditut
ta a ze putada! (bis)
Lujanbio:
Zuri hezurrak zaizkizu
bapo nabarmendu,
hezur junturak eta
azala gailendu;
ni azkenaldian naiz
dexente gizendu,
baina zure dardarrak
hotsa ateratzen du. (bis)
Egaña:
Nere hezur junturak
zarata almazen,
baina basokoari
ezetz diot ozen.
Sarri jolastu ginan
gaztetan hain xuxen,
haiek gogoratuaz
berotu gaitezen. (bis)
Lujanbio:
Zoaz, maite, basora
umil eta trebe,
ta gutxinez ekarri
dozena bat lore.
Gure garai zahar haiei
hainbeste amore...
Gaur ez zaigu berotzen
memoria ere! (bis)
Datu-base honetan eskainitako informazioari buruz jakiteko, kontsultatu lege oharra