Bertsoak - Fitxa ikusi Atal honi buruz gehiago jakiteko
2012-01-22 Zeanuri Jaialdia [Bertsoa] / Amets Arzallus, Maialen Lujanbio, Jon Maia
Bertsoa entzun |
2012-01-22 Zeanuri Jaialdia [Bertsoa] / Amets Arzallus, Maialen Lujanbio, Jon Maia
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
M. Lujanbio
Bere mila ta piko urtekin
bazeukan nahiko grazi-ta
espainiar batzuk kontentu zeuzkan
euskaldun denak etsita
lehen Francoren jarraitzaile ta
gaur ez hortatik jetsita
azkenerako inpernutako
deabruarekin zita
galdu du bere bizia baino
askori galarazita.
J. Maia
Frankista eta lotsagabea
kriminal bat dohakabe
historiako izen beltzenen
kategoriaren pare.
Bera izan da frankismoaren
reziklajearen klabe
juizioa aspaldi galduta zeukan
gizonak baina hala’re
lasai joan da merezi zuen
epaiketa izan gabe.
A. Arzallus
Manuel Fraga Iribarne zen
ama euskalduna zeharo
amak ez zion euskara eman
ta berak hala nahiago
pentsatzen zuen frantsesa zela
euskera baino gehiago.
Hori dela ta Fragak zioen
“Gure amaz harro nago”.
Zorionean bera joan da
euskera baino lehenago.
Datu-base honetan eskainitako informazioari buruz jakiteko, kontsultatu lege oharra