BDB Bertsolaritzaren datu-basea

Informazio orokorra

Kategoria

Bat-batekoa

Saioa

2014-07-11 Iruñea Jaialdia

Gai-emailea

Rekondo, Alaitz

Bertsolariak / Egileak

Arzallus, Amets

Barberena, Jon

Colina, Sustrai

Zelaieta, Julen

Lana

Launaka gaia-emanda

Jarritako gaia

Sustrai, Nafarroako Gobernuko diru laguntzak banatzeko orduan zure iritziak kontuan hartzen dira. Hiru taldetako ordezkariak dauzkazu zain: Amets, Osasuna Futbol Taldeko bozeramailea, Julen, Nafarroako Bertsozaleen Elkarteko eragilea, eta Barberena Baztango Udaleko ordezkaria.

Deskribapena

Doinua

Eguna pasa nekean eta

Neurria / Estrofaren izena

Zortziko handia (hg) / Lau puntuko handia (ip)

Bertso kopurua

6

Edukiari buruz

Entitateak

Bertsozale Elkartea

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2014-07-11 Iruñea Jaialdia [Bertsoa] / Amets Arzallus, Jon Barberena, Sustrai Colina, Julen Zelaieta

Neurria:  Zortziko handia (hg) / Lau puntuko handia (ip) 
Kokapena:  XDZ - Xenpelar Dokumentazio Zentroa 

---

J. Zelaieta
Krisia dela ta azken urtetan
diru laguntza murritza
dena kirolak eramaten du
horrelakoa da bizitza.
Kontuan hartu Elkartea ta
eman dirua ta hitza.
Hitzaren kirol nazionala
baitugu bertsolaritza. (bis)

S. Colina
Ene txikito segi rimatzen
traketsak eta ametsak
baina ahal dela ja ez zapaldu
nere bulegoko ertzak.
Diru laguntza gabe nahiz izan
oso etorkizun beltzak
nazionala ez da gauz bera
zuretzat eta neretzat. (bis)

A. Arzallus
Ai badakizu Sadar aldean
zor zaharrek duten zama
40 milioi behar ditugu
lehendabiziko esana
bost Urbanentzat ta beste hamar
jokalarientzat joana
ta lasai egon beste guztia
biontzako erdi bana. (bis)

S. Colina
Nik ongi dakit partizioa
zeinen ongi egingo den
nahiz ta orain arte Osasunari
beti ein diodan omen
ederki dakit ze mailatan ta
zein mailatan dagoen...
Akaso hori egin behar gendun
segundan egon baino lehen. (bis)

J. Barberena
Nahiz ta egin horrenbertze presa
eta hainbat barrikada
gure erreka atera zaigu
ia herriko plazara.
Zure dirua beharko gendun
hiru edo lau eskukada
oain pobrezian ito ez dadin
gure Baztango bailara. (bis)

S. Colina
Euria goian-behian hasi zen
ta lurrak ezin zurrupa
orduz geroztik izan dezue
nahiko sestra ta burruka.
Orain ibaiak gainez eginda
etxeak inundatuta
zer nahi duzue nik esatea?
Hori`re Bilduren kulpa. (bis)