BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusia (13. 2001)

Saioa

2001-10-28 Amurrio Txapelketa

Gai-emailea

Mandaluniz, Bernardo

Bertsolariak / Egileak

Sorozabal, Jokin

Lana

Bakarka gaia-emanda kartzelako-lana

Jarritako gaia

Igandero joan ohi zara mezetara, baita zintzo-zintzo 500 pezetakoa bota ere zorrora, Elizaren beharretarako. Jakin duzu Elizak milioiak inbertitu dituela burtsan. Hiru bertso nahi duzun neurri eta doinuan.

Deskribapena

Doinua

Aita izena kanta beharrak

Neurria / Estrofaren izena

Hamarreko handia (hg) / Bost puntuko handia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2001-10-28 Amurrio Txapelketa [Bertsoa] / Jokin Sorozabal

Neurria:  Hamarreko handia (hg) / Bost puntuko handia (ip) 
Kokapena:  XDZ - Xenpelar Dokumentazio Zentroa 

---

Nik igandero egin izan dut
eliza aldeko jira;
otoitz egin ta jaun hartu ere,
lehengo ohituren harira;
bostehun pezeta edo gehiago
bota ere bai saskira;
ta orain hoiek hasi omen dira
boltsa aldera begira;
hoien beharrak ta Euskaltelenak
berdinak izango dira. (bis)

Haserre biziz jarrita nago
ta zerbait esan nahi nuke:
lepoa moztu zieten haiek
bazuten hainbat bertute;
norbera pobre behar zuela
besteren laguntzen truke...
Itxura danez santujaleok
buelta emana digute;
pobreziaren legea hauek
alderantziz hartu dute. (bis)

Ni bezelako kristau xumeei
a ze ostiko itzela!
Zin dagizuet gehiago honuntz
etorriko ez naizela.
Kristok entzungo balu hau dena
ziur mugituko zela,
apaizei eta gotzai guztiei
emanaz zigor epela,
latigazoka tenplo hartara
sartu zenean bezela. (bis)