Bertsoak - Fitxa ikusi Atal honi buruz gehiago jakiteko
2001-11-18 Markina-Xemein Txapelketa [Bertsoa] / Aritz Lopategi, Aitor Sarriegi
| Bertsoa entzun |
2001-11-18 Markina-Xemein Txapelketa [Bertsoa] / Aritz Lopategi, Aitor Sarriegi
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
Sarriegi:
Guk herrigintzan hainbat urtetan
zenbat lan eta jardute!
Ta beste askok gure antzera
berdin-berdin egin dute;
orain postu bat ziurtatzeko
aukera eman digute,
eta nik behintzat nere aldetik
aprobetxatu nahi nuke;
bizi osoa ez det pasa nahi
lan eta lan musu-truke. (bis)
A. Lopategi:
A ze zalantza daukagun orain
alkarren aldamenean!
Funtzionaritzan aukera hori
heldu zaigu azkenean.
Herrian gogor aritu gara
biok jarrera onean;
euskeran alde, presoen alde,
gogotik eginahalean,
ta orain hasi behar al duzu
Aznarrentzako lanean? (bis)
Sarriegi:
Egia da bai guk Aznar jauna
ez dugula begikoa;
espero nuen erantzuna ta
esan duzu betikoa.
Baina pisu bat erosi nahi dut,
horrekin badut nahikoa,
ta salaketa gehiegizkoa
izan da alajainkoa!
Herria oso ederki dago,
baina lehenik poltsikoa. (bis)
A. Lopategi:
Herrian alde biok lanean
ibili gara ederto,
eta aitortu beharra daukat
ez dala izan kalteko;
herrian dana gu bioi esker
ez al da askoz hobeto?
Ta orain berriz hastera zoaz
funtzionario antzeko;
ez zazu zure burua saldu
poltsikoa betetzeko. (bis)
Sarriegi:
Esan nahi dizut gure atzetik
gazte asko dagoela
eta guk egin degun lan hori
haiek segiko dutela.
Uste dedana esango dizut
pentsatzen dedan bezela:
nahiz eta orain esan didazun
mutil saldua naizela,
bi hilabete baino lehenago
damu izango zarela. (bis)
A. Lopategi:
Ez dakit nola hartu nahi duzun
hain erabaki astuna?
Biok herrian eginak gara
kriston ekintza bilduma!
Ezkerra utzi ta aukeratu
gura baituzu eskuma;
nik herrigintzan jarraituko dut
ta zuk egin nahi duzuna,
baina hor sartzen baldin bazara,
ni ez naiz zure laguna. (bis)
Datu-base honetan eskainitako informazioari buruz jakiteko, kontsultatu lege oharra