Bertsoak - Fitxa ikusi Atal honi buruz gehiago jakiteko
2001-10-28 Amurrio Txapelketa [Bertsoa] / Ekaitz Goikoetxea, Jokin Sorozabal
Bertsoa entzun |
2001-10-28 Amurrio Txapelketa [Bertsoa] / Ekaitz Goikoetxea, Jokin Sorozabal
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
Sorozabal:
Diru aldetik juxtu gabiltza
langileak izatean,
hau bezelako pribilegiatuk
izanagatik tartean.
Kotxe honekin etorri naiz ni
lanera hamar urtean
eta nerekin ibiliko da
ni jubilatu artean. (bis)
E. Goikoetxea:
Kotxe berria ekarri ohi det
pozik urtean-urtean;
nere nahia ta egitasmoak
beti dabiltz apartean.
Aita ta ama, aiton-amonak,
guztiak borondatean;
aprobetxatu beharra daukat
ahal dezakedan artean. (bis)
Sorozabal:
Aita ta ama bizi zaizkizu
aberatsaren klasera;
aitonak eta amonak ere
propina eman gainera;
eta patrika diruz beteta
eramateko aukera;
hainbeste suerte baldin badezu
zertara zatoz lanera? (bis)
E. Goikoetxea:
Hiru urtean zure alboan
lanean fin naiz aritu;
nere izerdiz ere egin det
behar hainbeste meritu
izanagatik laneratzea
sekula ez da delitu;
Golfak eduki dituen batek
Portxeak amesten ditu. (bis)
Sorozabal:
Lehenengo izan zuen Clio bat,
bota zuen bazterrera;
gero ondoren Ford Fiesta bat,
txarra atera gainera.
Alper-alperrik pasako zera
orain Golfetik Portxera,
edo kotxeak txartzen ai dira
edo txofer txarra zera! (bis)
E. Goikoetxea:
Ona duenak amestu ohi du
hoberenaren itzala;
gazte txoroon ero haizeak
luzaz ibili nazala!
Zure jarduna ta esamesa
ez dugu gero normala!
Zaharkitua geratu zera
zure kotxea bezala. (bis)
Datu-base honetan eskainitako informazioari buruz jakiteko, kontsultatu lege oharra