Bertsoak - Fitxa ikusi Atal honi buruz gehiago jakiteko
2001-12-16 Donostia Txapelketa 11:00 [Bertsoa] / Maialen Lujanbio
| Bertsoa entzun |
2001-12-16 Donostia Txapelketa 11:00 [Bertsoa] / Maialen Lujanbio
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
Inpotentzia sentitzen det nik
besterikan ezinean,
bizi guzia pasa beharra
arantzez bete minean;
hanka bikoak tratatu nahia
berdinean-berdinean,
zurikeria hutsa baino ez da
gizartean mingainean.
Aulki gurpildun gainean nabil,
nahiz gazte izan adinean;
bestela ezin-ta kartera eta
motxilatxoa soinean,
baina bizia, bizi alu hau,
ikus litekeen heinean,
gurpil gainean goazenontzat
ez doa kurpil gainean.
Atzekaldetik etorriko zan,
gu horretan ahulak gara,
ispilurik ez ta ezin luza
atzerako begirada.
Motxila beltzan patrikatxoan
egingo zun labankada,
nerea zena, kartera, doa
orain bere patrikara.
Inork ez nau ni laguntzen inork,
ez nezake gaur anpara;
salduta nago, etsita nago,
ume galduen gisara.
Dena ezina, dena bide estu,
dena arantza ta traba,
ta okerrena ohitu ein naizela
sensazio honetara.
Zer egingo det, gurpilei eman
ta etxeratu beharko;
nere kartera zaborren baten
azalduko da biharko.
Ezinduaren karneta hantxe
ta dirua da faltako,
ta lapur esku-zurin bat noski
dotore eta galako.
Hemen exeri ta negar egin
nezake, baina zertako?
Bihozgabeak nere dirua
hartu dezala aintzako;
gozatu eta aprobetxatu,
hori jotzen det ontzako,
beretzat baino askoz gutxio
balio du neretzako.
Datu-base honetan eskainitako informazioari buruz jakiteko, kontsultatu lege oharra