2001-11-04 Elorrio Txapelketa [Bertsoa] / Unai Agirre Goia, Estitxu Arozena

Zu, Unai, gotzaina zara, eta orain jakin duzu, Estitxu apaizak, elizara jende gutxi etortzen dela eta, meza amaitu ostean hamaiketakoa emoteko asmoa duela. Zeure bulegora deitu diozu kontuak argitzeko.

Deskribapena

Doinua

Dama gazte xarmant bat

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena: XDZ - Xenpelar Dokumentazio Zentroa
Bilduma / Funtsa / Proiektua: Txapelketetako Bilduma

2001-11-04 Elorrio Txapelketa [Bertsoa] / Unai Agirre Goia, Estitxu Arozena

Neurria: Zortziko txikia (hg) / Lau puntuko txikia (ip)
Kokapena: XDZ - Xenpelar Dokumentazio Zentroa

U. Agirre:
Gotzaiak apaiz zahar hau
ezin du babestu;
jende gutxi elizan
eta dabil estu;
orain nornahiri jana
emateko prestu,
baina horrek fedetik
askorikan ez du. (bis)

E. Arozena:
Langintza zail samarra
da elizarena,
aita, semea eta
izpirituarena.
Ederki saiatu naiz,
alferrik da dena;
urdailean daukate
fede haundiena! (bis)

U. Agirre:
Horren ados nagonik
ez dezu usteko;
hamaika hemen badago
gaur nolabaiteko!
Hamaiketako latza
mezari ekiteko;
aitzekia bihar du
berak egiteko. (bis)

E. Arozena:
Nere aitzakiaren
parea buruan,
nahiz ta ni baztertzea
duzun helburuan.
Jarraituko al zenuke
eliza munduan,
letxuga jarri ezkero
zure otorduan? (bis)

U. Agirre:
Letxuga txarra da ta
ni ninteke ito;
gotzaiak egon behar du
sendo eta tinko.
Erdi bide bat jarri
dezagun betiko:
ostiak nozillakin
eman eta kito! (bis)

E. Arozena:
Hemen elkartzen dira
pozak eta penak;
gotzaiaren ideiak
dira ederrenak;
ostiak nozillarekin
ez dira okerrenak...
txistorra nahiago du
gosez datorrenak! (bis)

U. Agirre:
Pixka bat gehio nahi du,
ni ez nago lotan;
ezin hasiko gera
zu ta ni borrokan;
ostiak txistorrakin
eman egun hortan,
baina busti itzazu
Don Simon ardotan. (bis)

E. Arozena:
Hamaiketakoa ta
ta ardo eztitan;
jendea mezetara
heldu da birritan.
Nik proposamen bat dut
ta diot egitan:
gauza bera egiteko
eliza guztitan. (bis)

Datu-base honetan eskainitako informazioari buruz jakiteko, kontsultatu lege oharra

BDB Bertsolaritzaren datu-basea

Bertsoak - Fitxa ikusi Atal honi buruz gehiago jakiteko