2001-12-16 Donostia Txapelketa 16:30 [Bertsoa] / Sustrai Colina, Jon Maia

Zu Jonen ama, eta zu Sustrairen ama zarete. Zuen etxekoak dira azkenik txapela jokatzeko gelditu diren biak. Nork irabaziko ote du? Zortziko txikian, puntuka, zortzi bertso osatu arte.

Deskribapena

Doinua

Triste bizi naiz eta I

Neurria / Estrofaren izena

Zortziko txikia (hg) / Lau puntuko txikia (ip)

Bertso kopurua

Edukiari buruz

Aldizkako Ekitaldiak

Bertsolari Txapelketa Nagusia (13. 2001)

Kokapena

Kokapena: XDZ - Xenpelar Dokumentazio Zentroa
Bilduma / Funtsa / Proiektua: Txapelketetako Bilduma

2001-12-16 Donostia Txapelketa 16:30 [Bertsoa] / Sustrai Colina, Jon Maia

Neurria: Zortziko txikia (hg) / Lau puntuko txikia (ip)
Kokapena: XDZ - Xenpelar Dokumentazio Zentroa

Maia:
Ai, gure kankailua
ederki ari da!
Colina:
Egoki luzitu du
bersoen harira.
Maia:
Hor dabil puruari
tira eta tira,
Colina:
eta amatxo aurrean
arretaz begira.

Colina:
Hala ere gurera
heldu da txapela,
Maia:
zuen semea ere
ez baita txepela;
Colina:
horrela irabazi
behar dut kiniela,
Maia:
ziur Jonen atzetik
geratuko dela.

Maia:
Guriak gosaldu du
arraultza parea,
Colina:
guriak'e ta agian
hor dago klabea.
Maia:
Jaten gutxinez badu
abilidadea,
Colina:
jaten bikaina da-ta
bersotan hobea.

Colina:
Bietan ez daduka
Sustraik parekorik,
Maia:
baina aukera badu
ezer hartzekorik.
Colina:
Gaur txapeldun dugula
irizten diot nik,
Maia:
Jonek hartu ezkero,
ez du egingo lorik.

Maia:
Entzun al dezu Jonen
gaurko habanera?
Colina:
Barkatu, une hortan
juan naiz kumunera.
Maia:
Txanpainez beteta dut
etxeko bainera;
Colina:
hala ere ederki
moldatuko gera.

Colina:
Bi ama hemen gabiltz
ta biak sufritzen,
Maia:
nahiz ta bertsotaz ezer
ez deun entenditzen;
Colina:
semea dabil eta
hor gabiltz sentitzen,
Maia:
gazteago banintza
neu hasiko nintzen!

Maia:
Hau da sufrimentua
ta ezin bukatu!
Colina:
Luze ari direla
zertako ukatu?
Maia:
Bakarkako lanari
ezin ondo hartu,
Colina:
beatziko txikian
behar du kantatu.

Colina:
Horrela're ez badu
azkar bukatuko,
Maia:
gureak mantsotzeko
badu mila truko!
Colina:
Musu emango diot
ikusi orduko;
Maia:
ez dela nerbiosoa
Euskadi lekuko.

Datu-base honetan eskainitako informazioari buruz jakiteko, kontsultatu lege oharra

BDB Bertsolaritzaren datu-basea

Bertsoak - Fitxa ikusi Atal honi buruz gehiago jakiteko