2001-12-01 Bilbo Txapelketa [Bertsoa] / Sustrai Colina, Xabier Silveira

Adiskideak zarete biok eta ezkonduak. Orain dela gutxi arte maitale bana izan duzue. Zuk, Sustrai, gertatu zenaren berri kontatu egin diozu emazteari. Xabierrek sekretuan gordetzea nahiago du. Hiruna bertso, seiko motzean, Sustrai hasita.

Deskribapena

Doinua

Aresoarren bandera

Neurria / Estrofaren izena

KOPLEN MULTZOA

Kokapena

Kokapena: XDZ - Xenpelar Dokumentazio Zentroa
Bilduma / Funtsa / Proiektua: Txapelketetako Bilduma

2001-12-01 Bilbo Txapelketa [Bertsoa] / Sustrai Colina, Xabier Silveira

Neurria: KOPLEN MULTZOA
Kokapena: XDZ - Xenpelar Dokumentazio Zentroa

Colina:
Hartu nun lehen tartean,
bota nion bat-batean,
berak marmarrez erantzun zidan
ta indar betean.
Bizirik nagon artean,
mesede edo kaltean,
guzti-guztia kontatu diot
liburu batean. * (bis)

Silveira:
Liburu bidez argitan,
utzi du guztien bistan,
andreagatik berak ez dula
sentimendurikan.
Erran baina zergatikan,
berak ez du errurikan;
zuk jasan ezin duzuna ez du
jasan beharrikan. (bis)

Colina:
Pentsatu arren luzaro,
argitu nion zeharo
ta orain berriz gure artean
trabarik ez dago.
Ze kontu ta erreparo,
kontatu eta akabo!
Eta uste dut maite nauela
lehen baino gehiago. (bis)

Silveira:
Zure ustea da antzu,
zara gezurraren maisu,
eta andrea ere kristona
sartzen ari zaizu.
Engainatuko zaitu zu,
orain laztan, orain musu,
ordea txanpon berberarekin
ordainduko dizu. (bis)

Colina:
Zer-nolako deskontrola!
Maite dut andre potxola,
nere andreak ez daukalako
holako odola.
Ziplo bota nion hola,
orain ez dio axola,
eta uste du maitaleakin
utzita nagola. (bis)

Silveira:
Gezur eta irain zikin
entzungaitz diren hoiekin,
sentimendutzat pena dut soilik,
hau zait sinestezin.
Zuk nahi duzun hura egin,
nik jarraituko dut berdin,
sexuak ez du zerrikusirik
maitasunarekin. (bis)

Datu-base honetan eskainitako informazioari buruz jakiteko, kontsultatu lege oharra

BDB Bertsolaritzaren datu-basea

Bertsoak - Fitxa ikusi Atal honi buruz gehiago jakiteko